1 Piyɛr 5:10 - Dɔnɔn kə̂ Siki: Tar kə̂ aw arə təbbə

¹⁰ A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

1 Piyɛr 5:10 Iomraidhean Croise

Luku 22:32

A əman, m-duju Lubba mba tar ləi ta karə mə-kunn ləi oso ang ngaâ karə bbo ə-təl rɔm tə̂ a, ə-dda arə ngakɔinje ingaje singa.»

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 15:5

Maji karə Lubba kə̂ to nje-dda karə dəwje aw tɔje wurde ddəm nje-karə singa dəwje le ddəm dda arə asəje ta koo-ta-naan horose tə̂ tokə Jeju-Kristə tɔjuse.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Rɔmɛnje 9:11

Lubba njaa gɔl ddəw kə̂ naw mbərə nɛ̂n dəwje. N̂-mbərə dəwje mba bbar kə̂ n̂-bbarde bbo mba kula-ddade ang. Ta tɔju dəwje to n̂-to gatə gatə ddəw nɛ̂n tə̂ kə̂ n̂-gɔl ta dda le, Lubba le pa arə Rebeka kar tə̂ kə̂ n̂-nayn nuju nɛ̂n ang bbay ngaâ ngannɛ̂ le nayn ddaje maji wase majang ang bbay nan: «Ne kə̂ tɔkə nâ to nje-kula lə ne kə̂ mbatə.»

Rɔmɛnje 9:24

Dəwjeenn le toje to jeje kə̂ Lubba mbərəje. N̂-mbərəje horo Jiipije tə̂ kə karəde baa ang, horo dəwje tə̂ kə̂ toje to Jiipije ang tɔ.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Kolosinyɛje 2:7

Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

2 Tesalonisinyɛje 2:14

Mba yeenn bba Lubba bbarse ddəw Tar tə̂ kə̂ Maji kə̂ jila mbəre jarəse karə ingaje piti lə Əbbəjeje Jeju-Kristə.

2 Tesalonisinyɛje 2:17

n̂-ddaje darə ubbaje singa ngaâ darəse singa dda nɛ̂nje tɔyn kə̂ maji ddəw kulaje tə̂ tɔyn kə̂ aw ddaje ddəm ddəw tarje tə̂ tɔyn kə̂ aw paje ddəm.

2 Tesalonisinyɛje 3:3

A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.

1 Timɔte 6:12

Maji karə ə-dda ddɔ kə̂ maji mba ngəm nɛ̂n mə-kunn ləi ta uwa təbbə kə̂ to kə ndɔ kə ndɔ kə̂ Lubba bbari mbɛɛ̂ le, kar tə̂ kə̂ ə-pa kə tai nɔn njê-tar-najije tə̂ kə̂ banya to unn məi arə Jeju-Kristə le.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 1:15

Lubba kə̂ bbarse le maji tɔyn. Yeenn a, sese njaa kara, maji karə ə-majije tɔyn mə pa-nja tə̂ ləse tɔyn tɔ.

1 Piyɛr 4:10

Sese kâra kâra tɔyn, Lubba arəse gusu dang dang. Yeenn a, maji karə umanje nɛ̂n naan. Baann bba â ddeeje to njê-ngəmje nɛ̂nje dang dang kə̂ maji kə̂ Lubba inya jise tə̂ ddəw mə-maji tə̂ laa.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!