1 Piyɛr 4:4 - Dɔnɔn kə̂ Siki: Tar kə̂ aw arə təbbə

⁴ A bbasinɛn, dəwjeenn le oose a, dɔde ayn, mba aw aynje ngɔru nɛ̂n-kayaje kə de ang ngaa, mba yeenn bba daw tajijese.

1 Piyɛr 4:4 Iomraidhean Croise

Matiye 23:25

«To ndoo nya arəse, see njê-gərəje-Ndu kə see Parijinyɛje kə̂ njê-ngəmje. Aw tokoje giri əngo kə giri ka. A nɛ̂n-bbokoje kə nɛ̂nje kə̂ toje kə ddəwe ang â ddusu mə əngo kə mə ka le.

Luku 15:13

Ndɔ ngaji goe tə̂ a, ngonn kə̂ mbatə le oto nɛ̂n-kingaje laa tɔyn taa nɛ̂n narɛ ngaâ aw dɔ bbe tə̂ ddəw əw. Lo tə̂ kə̂ nunn, n̂-tuju nɛ̂nje laa ddəw kula-ddaje tə̂ kə̂ maji ang.

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 3:16

A maji karə ilaje tar tə̂ le kə ndu-gɔsu kə̂ wul pee ddəm ddəw bbəəl naan tə̂ ddəm ta arəje kəjə ləse to kə majɛ̂. Yeenn bba karə rɔ-kul dda dəwje kə̂ aw undaje tar dɔse tə̂ mba marə nɛ̂n ddəm aw nanɛn kə̂ se ddəm mba pa-nja ləse kə̂ maji ddəw tə̂ lə Kristə le.

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

2 Piyɛr 2:22

Nɛ̂n kə̂ tɔkɔrɔ kə̂ kɔn-tar pa nəənn â ingade. Kɔn-tar le nan: «Bisi kə̂ tɔmɔn a, təl ay tɔmɔn laa le» ngaâ «Bərə kə̂ n̂-toke bbasinɛn nəənn njaa a, təl ula rɔɛ̂ bərə tə̂.»

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.