1 Piyɛr 4:2 - Dɔnɔn kə̂ Siki: Tar kə̂ aw arə təbbə

² Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

1 Piyɛr 4:2 Iomraidhean Croise

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 20:4

N̂-pa narəde nan: ‹Aw ddaje kula ndɔɔ binyə tə̂ ləm ta mâ kukase kə dɔgɔlɛ̂.›

Matiye 21:31

Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Marke 3:35

Mba dəw kə̂ dda nɛ̂n kə̂ mə Lubba ndiki â to ngokɔnʼm, to kɔn-nannəm ngaâ to kɔnʼmje.»

Marke 7:21

Mba kəjəje kə̂ maji ang aw inje bbəngərə dəw tə̂ nu bba aw kə dəw le arə dda kaya, bboko, tɔl dəw,

Tar kə̂ Maji kə̂ Jan dda makəturu tə̂ 1:13

Ngaâ n̂-ddeeje to ngann lə Lubba kə̂ dujude ddəw mə-ndiki tə̂ lə Lubba, bbo ddəw kuju tə̂ lə dəwje ang ddəm ddəw mə-ndiki tə̂ lə dəwje ang ddəm.

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

Rɔmɛnje 14:7

Dəw kâra horoje tə̂ aw isi kəm baa mba tar laa njaa ang ddəm dəw kâra aw oy mba tar laa njaa ang ddəm.

Rɔmɛnje 6:11

Yeenn a, sese njaa kara maji karə ooje rɔse to oyje mban arə majang ubba singa dɔse tə̂ ang ngaa, isije kəm baa mba Lubba ddəw tə̂ lə Jeju-Kristə.

Rɔmɛnje 6:2

Baann ang! N-toje tokə dəwje kə̂ oyje mban arə majang ubba singa dɔje tə̂ ang. Yeenn a, ja kasəje ta nayn mə majang tə̂ bbay tokə baânn wa?

Rɔmɛnje 7:4

Ngakɔnʼmje, nɛ̂ɛnn le to ddəw kâra baa mba tar ləse tɔ. Ə-toje tokə dəwje kə̂ oyje arə Ndu ubba singa dɔse tə̂ ang, mba ə-ddeeje kâra baa kə Kristə. Yeenn a, ə-toje to dəwje laa, ne kə̂ noy ngaâ n̂-ndol le. Baann bba ja kasəje ta dda nɛ̂n kə̂ maji kəm Lubba tə̂.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 5:17

Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.

Epɛjinyɛje 6:6

Ə-ddaje kə de baann mba nəəl nɛ̂n kəmde tə̂ ang. A ə-ddaje tokə bbərəje lə Kristə kə̂ unnje rɔde tɔyn ta dda nɛ̂n nɛ̂n kə̂ mə Lubba ndiki.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

Kolosinyɛje 3:3

Mba oyje mban ngaâ təbbə ləse kə̂ tɔkɔrɔ to lo-kiyɛ̂ tə̂ kə Kristə rɔ Lubba tə̂.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 5:18

ngaâ mə nɛ̂nje tə̂ tɔyn, arəje wooyo Lubba, mba to nɛ̂nje kə̂ Lubba ndiki karə ə-ddaje mba mə-kâra kə̂ ə-ddaje kə Jeju-Kristə.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

1 Jan 2:17

Nangə le aw nday kə bbo nɛ̂nje kə̂ nangə̂ tɔ. A dəw kə̂ dda nɛ̂n kə̂ mə Lubba ndiki a kisi kə ndɔ kə ndɔ.