1 Piyɛr 4:18 - Dɔnɔn kə̂ Siki: Tar kə̂ aw arə təbbə

¹⁸ Makəturu lə Lubba pa nan: «A bbo to ngəng ta kaji dəw kə̂ gatə gatə a, a to tokə baânn kə dəw kə̂ mbətə Lubba ddəm dəw kə̂ to nje-nɛ̂n-dda kə̂ maji ang ddəm wa?»

1 Piyɛr 4:18 Iomraidhean Croise

Luku 15:1

Njê-taaje narɛ lambo tɔyn kə njê-nɛ̂n-ddaje kə̂ maji ang ddeeje ngɔsi kə Jeju ta koo tar laa.

Luku 23:31

Mba bbo dəwje ddaje nɛ̂n kə kakə kə̂ təbbə tokə be a, kakə kə̂ tutu a to tokə baânn wa?»

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 27:24

ngaâ pa arəm nan: ‹Ə-bbəəl ang Pɔl. Maji karə ar nɔn tɔkə mbay tə̂ kə̂ Rɔm arə gangə sariya ləi. Lubba a ngəm dəwje tɔyn kə̂ eeje səi mə tɔkə to tə̂ nəənn ɔju dɔi.›

Kulaje 27:31

Yeenn bba, Pɔl pa arə mbay lə mbambaje kə mbambaje le nan: «Bbo dəwje nəənn naynje mə tɔkə to tə̂ nəənn ang a, sese â kajije ang.»

Rɔmɛnje 1:18

Wungu ɔn Lubba darâ nu dɔ dəwje tə̂ mba majangje ləde tɔyn kə nɛ̂n-ddaje ləde kə̂ gatə gatə ang kə̂ ore dɔ tar kə̂ tɔkɔrɔ kə nangə̂.

Rɔmɛnje 5:6

Tɔkɔrɔ, ləw kə̂ ddəw goto bbay le, kar kə̂ Lubba ɔju asə a, Kristə oy mba njê-nɛ̂n-ddaje kə̂ maji ang.

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

1 Kɔrɛntinyɛje 10:12

Yeenn a, maji karə dəw kə̂ oo to nar taar a, aa rɔɛ̂, mba nâ kin koso.

1 Timɔte 1:9

N-gərə to dəw kə̂ gatə gatə â Ndu to mbɛɛ̂ ang. Ndu to mba njê-kaalje-ta, njê-dɔ-ngəngje kə njê kə̂ mbətəje Lubba, njê-nɛ̂n-ddaje kə̂ maji ang kə njê kə̂ bbəəlje Lubba ang ddəm bbəəlje nɛ̂n lə Lubba ang ddəm njê-tɔlje bɔdede wase kɔndede kə njê-tɔlje ngamarədeje,

Ebərəje 4:1

Ndu Lubba kə̂ unn ta karə jandə lo kuwa-rɔ tə̂ kə̂ n̂-gɔl mba tar ləje le nayn baa bbay. Yeenn a, maji karə kəmje kətərə bba karə dəw kâra horose tə̂ dda tokə nɛ̂ɛnn le due to du ang.

Jakə 5:6

Ə-gangəje sariya dɔ dəwje tə̂ kə̂ gatə gatə ngaâ ə-tɔljede, a n̂-ddaje dɔ-ngəng kə se ang.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.

Judə 1:15

mba gangə sariya dɔ dəwje tə̂ tɔyn kə̂ duninya tə̂ ngaâ nâ dda karə dəwje kə̂ ddaje majang gərəje majangje ləde ngaâ karə njê-nɛ̂n-ddaje kə̂ maji ang gərəje go tarje kə̂ maji ang kə̂ paje dɔɛ̂ tə̂.»