1 Piyɛr 4:13 - Dɔnɔn kə̂ Siki: Tar kə̂ aw arə təbbə

¹³ A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

1 Piyɛr 4:13 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:23

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 17:30

Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.

Kulaje 16:25

Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

Rɔmɛnje 8:18

Moo a, piti kə̂ Lubba a tɔjuje kə ddaka ndɔ tə̂ kə̂ aw ddee a kuta ndoo kə̂ jaw jooje bbokənɛn nəənn.

2 Kɔrɛntinyɛje 1:5

Ddəw kâra baa tokə jaw joo ndoo nya kə Kristə le, Kristə kara aw dda arə məje aw wul nya tɔ.

2 Kɔrɛntinyɛje 1:7

Jaw junda məje dɔse tə̂ nya. Mba n-gərə to ndoo kə̂ jaw joo le ooje kə je tɔ arə məse a wul kə je tɔ.

2 Kɔrɛntinyɛje 4:10

Jaw joto yo lə Jeju rɔje tə̂ kə ndɔ tɔyn, bba karə dəwje ooje təbbə lə Jeju rɔje tə̂.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

2 Timɔte 2:12

Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 2:21

Nɛ̂ɛnn njaa Lubba bbarse mbɛɛ̂, mba Kristə njaa kara oo ndoo mba tar ləse. N̂-dda baann to nɛ̂n-kɔju-marɛ̂ mba tɔju nɛ̂n se ddəw.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.