1 Piyɛr 3:9 - Dɔnɔn kə̂ Siki: Tar kə̂ aw arə təbbə

⁹ Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Piyɛr 3:9 Iomraidhean Croise

Matiye 19:29

A dəwje tɔyn kə̂ inyaje kəy ləde, ngakɔnde kə̂ dingaw kə ngakɔnde kə̂ dɛnɛ̂n, bɔdede kə kɔndede, ngannde wase ndɔɔje ləde mbam, dâ kinga nɛ̂n gɔl dɔdɔku uta yeje kə̂ kete ddəm dâ kinga təbbə kə̂ to kə ndɔ kə ndɔ ddəm.

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 5:39

«A əman, m-pa marəse: Bbo dəw dda səi majang a, ila barɛ̂ ang. Bbo dəw unda ka-mbɔri a, ə-turu dəbbe kə̂ kâra arə nunda tɔ.

Matiye 5:44

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

Marke 10:17

Kar kə̂ Jeju unn ddəw ta kɔtu a, marə dingaw ddee kə ngɔru ɔsu məkəjə-gɔlɛ̂ nɔɛ̂n tə̂ duje nan: «Nje-nɛ̂n-tɔju kə̂ maji, ddi â mâ dda bba mâ kinga təbbə kə̂ to kə ndɔ kə ndɔ wa?»

Luku 10:25

Marə nje-gərə-Ndu in ar taar ngaâ duju tar Jeju mba nɛɛ̂n nɛ̂n. N̂-pa nan: «Nje-nɛ̂n-tɔju, ddi â mâ dda bba mâ kinga nɛ̂n təbbə kə̂ to kə ndɔ kə ndɔ wa?»

Luku 18:18

Marə mbay lə Jiipije duju Jeju nan: «Nje-nɛ̂n-tɔju kə̂ maji, ddi â mâ dda bba mâ kinga nɛ̂n təbbə kə̂ to kə ndɔ kə ndɔ wa?»

Rɔmɛnje 12:14

Maji karə ə-bbarje tar kə̂ maji dɔ dəwje tə̂ kə̂ aw ulaje kəmse ndoo tə̂. Ə-bbarje tar kə̂ maji dɔ dəwje tə̂, bbo ə-ndɔɔljede ang.

Rɔmɛnje 12:17

Nɛ̂n kə̂ maji ang kə̂ dəw dda kə se a, ə-ddaje saa tɔ ang. Ə-sangəje ddəw ta dda nɛ̂n kə̂ maji kəm dəwje tə̂ tɔyn.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

Galatəje 3:14

Baann bba karə tar kə̂ maji kə̂ Lubba bbar dɔ Abaraham tə̂ le ddee dɔ dəwje tə̂ kə̂ toje to Jiipije ang le ddəw tə̂ lə Jeju-Kristə. Ngaâ karə jingaje Ndil kə̂ Lubba unn ndue ta karə le ddəw mə-kunn tə̂.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

Ebərəje 12:17

Ə-gərəje kə majɛ̂ to ndərəng a, Ejawu le ndiki karə bɔɛ̂je bbar tar kə̂ maji dɔɛ̂ tə̂, a bɔɛ̂je le mbətə. N̂-sangə tar kə̂ maji le kə maann-nɔn, a ninga ang, mba ninga ddəw ta dda karə bɔɛ̂je le turu ndue ang ngaa.

Ebərəje 6:14

N̂-pa nan: «Tɔkɔrɔ njaa, mâ bbar tar kə̂ maji dɔi tə̂ baa kə nangə̂ ngaâ mâ karə ngakai ddeeje tokə banya.»

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.