1 Piyɛr 3:8 - Dɔnɔn kə̂ Siki: Tar kə̂ aw arə təbbə

⁸ Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.

1 Piyɛr 3:8 Iomraidhean Croise

Matiye 18:33

A əi, asə ta koo kəm-to-ndoo lə nje-mari tokə moo kəm-to-ndoo ləi le tɔ ang wa?›

Luku 10:33

A marə dəw kə̂ Samari kə̂ aw aw kə mba tə̂ ddee ngɔsi kə dəw le ooe a, ddɛɛ̂ ndoo.

Kulaje 2:1

Kar kə̂ ndɔ Pantekotə asə a, njê-mə-kunnje isije dɔ naan tə̂ kâra baa.

Kulaje 27:3

Ndɔ kâra goe tə̂ a, n-tee Sidɔn. A Juliyus kə̂ aw dda Pɔl maji le inyɛ̂ arə naw rɔ njê-buwa-kuraje tə̂ laa mba karə darɛ̂ marə nɛ̂nje kə̂ due.

Kulaje 28:7

Ngɔsi baa lo tə̂ənn, lo lə marə tɔkə dəw kə̂ dɔ dərə-ba tə̂ le kə̂ ria nan Pubiliyus ee tə̂ənn. Nuwaje kə rɔɛ̂ tə̂ kə majɛ̂ ngaâ n-to rɔɛ̂ tə̂ ndɔ mota.

Kulaje 4:32

Njê-mə-kunnje kə̂ banya le, məde kə kəjə ləde to kâra baa. Dəw kâra horode tə̂ pa nan marə nɛ̂n to lə ne kə karə ne baa ang, mba nɛ̂n-kingaje ləde tɔyn to ləde horo naan tə̂.

Rɔmɛnje 12:10

Nɛ̂n kə̂ ɔju dɔ ndiki naan, maji karə ə-ndikije naan tokə ngakɔn-naan njaa. Maji karə ə-walje naan.

Rɔmɛnje 15:5

Maji karə Lubba kə̂ to nje-dda karə dəwje aw tɔje wurde ddəm nje-karə singa dəwje le ddəm dda arə asəje ta koo-ta-naan horose tə̂ tokə Jeju-Kristə tɔjuse.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

1 Kɔrɛntinyɛje 12:26

Bbo marə barkəm-rɔ kâra aw oo ndoo a, kəseje tɔyn ooje saa ndoo. Bbo barkəm-rɔ kâra inga piti a, rɔ kəseje tɔyn nəəlde.

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Epɛjinyɛje 4:31

Maji karə inyaje rɔ-katə, kila dəw mə tə̂, dda wungu, nɛ̂n-ndangə, nɛ̂n-taji, mə-majangje dang dang.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

Pilipinyɛje 2:3

Ə-ddaje nɛ̂n to nɛ̂n-dda kuta nɛ̂n naan ang ddəm to nɛ̂n-kɔsu rɔ ang ddəm. A maji karə ooje rɔse ngaji ta ooje njê-marəseje to dəwje kə̂ utajese.

Pilipinyɛje 3:16

Mə nɛ̂n tə̂ tɔyn, ddəw kə̂ junnje ndərəng bbokənɛn nəənn le, maji karə yeenn njaa jawje nɛ̂n nyɔm.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

Ebərəje 13:1

Maji karə ə-naynje ddəw ndiki naan tə̂ tokə ngakɔn-naan njaa.

Jakə 2:13

Dəw kə̂ oo kəm-to-ndoo lə nje-marɛ̂ ang, Lubba a koo kəm-to-ndoo laa ndɔ gangə sariya tə̂ ang tɔ. A dəw kə̂ oo kəm-to-ndoo lə nje-marɛ̂ a tee ta sariya tə̂.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Jakə 5:11

Ooje, jaw pitije dəwje kə̂ aw oreje wurde. Ooje tar kore-wur lə Jobbo ngaâ ə-gərəje maji kə̂ Əbbə-dəwje dda saa goe tə̂. Mba Əbbə-dəwje to nje-koo kəm-to-ndoo lə dəwje ddəm nje-dda mə-maji kə dəwje ddəm.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:17

Maji karə ə-walje dəwje tɔyn, ə-ndikije ngakɔnse, ə-bbəəlje Lubba, ə-walje tɔkə mbay.

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.

2 Piyɛr 1:7

ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

1 Jan 3:14

Jeje n-ndikije ngakɔnje, mba yeenn â n-gərəje to n-teeje ta yo tə̂ ngaâ jingaje təbbə mban. Dəw kə̂ ndiki ngokɔɛ̂n ang nayn mə yo tə̂ bbay.