1 Piyɛr 3:5 - Dɔnɔn kə̂ Siki: Tar kə̂ aw arə təbbə

⁵ Baann â ləw, dɛnɛ̂nje kə̂ toje to njê-mə-kunnje ddəm undaje məde dɔ Lubba tə̂ ddəm aw ddaje nɛ̂n mandə ləde. Daw dooje ta ngawdede.

1 Piyɛr 3:5 Iomraidhean Croise

Luku 2:37

N̂-tɔ wure nisi to dɛnɛ̂n-ndubba ndərəng bbal kuje asə dɔjijoo gire sɔ. Ninya kəy-polo Lubba ndɔ kâra ang, naw dda kula lə Lubba til kə kar ddəw kɔku rɔɛ̂ nɛ̂n-kusa tə̂ kə duju Lubba tə̂.

Kulaje 1:14

Dede tɔyn njaa daw dooje ta naan daw dujuje Lubba kə ndɔ tɔyn. Marə dɛnɛ̂nje kə Mari kɔn Jejuje kə ngakɔn Jeju eeje horode tə̂ tɔ.

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Epɛjinyɛje 5:33

A tar le to mbase tɔ: Maji karə dəw kâra kâra ndiki dɛnɛ̂n laa tokə da-rɔɛ̂ njaa. Ngaâ maji karə dɛnɛ̂nje kâra kâra bbəəlje ngawdede.

1 Timɔte 2:10

A maji karə kulaje kə̂ maji â dɛnɛ̂nje ulaje to kubbu. Nɛ̂n kə̂ baann â asə karə dɛnɛ̂nje kə̂ unnje ndude ta bbəəl Lubba ddaje.

1 Timɔte 2:15

A Lubba a kaji dɛnɛ̂n ddəw kuju ngonn tə̂, tokə n̂-nayn ddəw mə-kunn tə̂, ddəw n̂-ndiki dəwje tə̂, ddəw sangə-rɔ tə̂ kə ddəw dda rɔ ngaji tə̂.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 5:5

Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

Ebərəje 11:11

Ddəw mə-kunn tə̂ tɔ â Sara kə̂ aw katə ngaâ bbalɛ̂ nday nya arə asə kuju ang ngaa inga ddəw uju ngonn, mba n̂-gərə to Lubba kə̂ unn ndue arɛ̂ le aw turu ndue ang.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə