1 Piyɛr 3:20 - Dɔnɔn kə̂ Siki: Tar kə̂ aw arə təbbə

²⁰ To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

1 Piyɛr 3:20 Iomraidhean Croise

Matiye 7:14

A ta-ddəw kə̂ ta kandə nɛ̂n bba ta kinga təbbə tatə ang, to njol njol baa. Dəwje kə̂ ingaje ta-ddəw le banyaje ang.»

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Kulaje 2:41

Dəwje kə̂ ndikije tar tə̂ laa le ingaje batɛm. Ndɔɛ̂ tə̂ənn kɔr dəwje asə nɛ̂n kə̂ doro mota ddeeje unguje dɔ kɔr njê-mə-kunnje tə̂ kə̂ kete.

Rɔmɛnje 9:22

Lubba ndiki ta tɔju wungu laa ngaâ ta dda karə dəwje gərəje singa-mɔngu laa. A dəwje kə̂ asə karə n̂-dda wungu kə̂ de ngaâ asə karə dingaje yo le n̂-tɔ wure narəde nya.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 1:9

Rɔse nəəlse mba ingaje kaji to kuka ləse mba məse kə̂ unnje le.

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

1 Piyɛr 3:19

Ddəw Ndil tə̂ le, naw nila mbər tar lə Lubba narə ndilje kə̂ dungude kəy-kula tə̂ tɔ.

1 Piyɛr 4:19

Yeenn a, maji karə dəwje kə̂ aw ooje ndoo mba nɛ̂n kə̂ Lubba ndiki kə̂ daw ddaje le inyaje rɔde mə ji Nje-dda nɛ̂nje tə̂ tɔyn, kə̂ asə karə dəw unda məɛ̂ dɔɛ̂ tə̂ ngaâ ta n̂-ddaje nɛ̂n kə̂ maji kə ndɔ tɔyn.

2 Piyɛr 2:5

Dəwje kə̂ duninya tə̂ kə̂ ləw toje to njê-nɛ̂n-ddaje kə̂ maji ang le Lubba inyade arə disije ddekeke ang tɔ. Kar tə̂ kə̂ narə maann uwade le, Nowe kə̂ aw ila mbər nɛ̂n-dda kə̂ gatə gatə le â najɛ̂, ne de kə marə dəwje siri.

2 Piyɛr 3:15

Maji karə ə-gərəje to tɔ kə̂ Əbbəjeje aw tɔ wure le to mba karə ingaje nɛ̂n kaji. Tar nəənn le â ngokɔnje Pɔl kə̂ n-ndike nya dda makəturu tə̂ arəse ddəw kəm-karɛ tə̂ kə̂ Lubba arɛ̂.