1 Piyɛr 3:17 - Dɔnɔn kə̂ Siki: Tar kə̂ aw arə təbbə

¹⁷ Bbo Lubba njaa ndiki tə̂ karə dəw oo ndoo mba maji kə̂ dəw le aw dda a, yeenn maji uta ndoo kə̂ ta koo mba nɛ̂n-dda kə̂ maji ang.

1 Piyɛr 3:17 Iomraidhean Croise

Matiye 26:39

Goe tə̂ a, n̂-ngəsə kə kete tɛn be ngaâ n̂-tee noso kə ta məɛ̂, n̂-dəbbə kəmɛ̂ nangə̂ ngaâ n̂-duju Lubba n̂-pa nan: «Bɔy, bbo ddəw to a, uta əngo kəm-to-ndoo nəənn kə ddang. A ə-dda tokə məi ndiki bbo tokə məm ndiki ang.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Kulaje 18:21

Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Kulaje 21:14

Juman saa pin n̂-ndiki ang ngaâ jəw rɔje. N-pa nan: «Maji karə Əbbə-dəwje dda nɛ̂n kə̂ məɛ̂ ndiki.»

1 Piyɛr 1:6

Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

1 Piyɛr 2:15

Mba nɛ̂n kə̂ Lubba ndiki â to karə ə-ddaje maji bba karə dəwje kə̂ dɔde goto ngaâ gərəje nɛ̂n ang, ooje tar ta pa ang.

1 Piyɛr 2:20

Bbo dəw aw oo ndoo mba majang kə̂ n̂-dda ngaâ naw tɔ wure a, piti kə̂ baânn â nâ kinga goe tə̂ wa? A bbo ə-ddaje maji bba daw dula kəmse ndoo tə̂ a, Lubba oo nɛ̂ɛnn kəmɛ̂ tə̂ to nɛ̂n kə̂ maji.

1 Piyɛr 3:14

Uta tɔyn bbo ooje ndoo mba nɛ̂n-dda kə̂ gatə gatə kə̂ ə-ddaje a, maji arəse. Maji karə nɛ̂n kə̂ dəwje aw bbəəlje a, ə-bbəəlje ang, arəje məse unda dɔ binya ang.

1 Piyɛr 4:15

Maji karə marə dəw kâra horose tə̂ oo ndoo mba dəw kə̂ n̂-tɔlɛ̂ ang, mba bboko ang, mba nɛ̂n-dda kə̂ maji ang ang, mba kula tɛɛ̂ tar tə̂ lə dəwje ang.

1 Piyɛr 4:19

Yeenn a, maji karə dəwje kə̂ aw ooje ndoo mba nɛ̂n kə̂ Lubba ndiki kə̂ daw ddaje le inyaje rɔde mə ji Nje-dda nɛ̂nje tə̂ tɔyn, kə̂ asə karə dəw unda məɛ̂ dɔɛ̂ tə̂ ngaâ ta n̂-ddaje nɛ̂n kə̂ maji kə ndɔ tɔyn.