1 Piyɛr 3:14 - Dɔnɔn kə̂ Siki: Tar kə̂ aw arə təbbə

¹⁴ Uta tɔyn bbo ooje ndoo mba nɛ̂n-dda kə̂ gatə gatə kə̂ ə-ddaje a, maji arəse. Maji karə nɛ̂n kə̂ dəwje aw bbəəlje a, ə-bbəəlje ang, arəje məse unda dɔ binya ang.

1 Piyɛr 3:14 Iomraidhean Croise

Matiye 10:28

Dəwje kə̂ da-rɔ dəw â a kasəje ta tɔl bbo kəwn lə dəw ang, ə-bbəəljede ang. Lubba â maji karə ə-bbəəleje. Ne â nasə ta dda karə kəwn lə dəw ddəm da-rɔ dəw ddəm gotoje kə ddang kəm puru tə̂ kə̂ aw ɔn kə ndɔ kə ndɔ.

Matiye 10:31

Yeenn a, ə-bbəəlje ang, mba gatəse uta gatə ngann əəlje kə̂ banya.

Matiye 10:39

Dəw kə̂ ndiki ta ngəm təbbə laa, təbbə laa le a nayn kə̂ kɔrɔ̂ nyɔm. A dəw kə̂ arə təbbə laa nayn kə kɔrɔ̂ mbam, a təl kinga təbbə laa le.»

Matiye 16:25

Mba dəw kə̂ ndiki ta kaji təbbə laa, təbbə laa le a nayn kɔrɔ̂. A dəw kə̂ ila təbbə laa kɔrɔ̂ ɔju dɔm, a təl kinga təbbə laa le.

Matiye 19:29

A dəwje tɔyn kə̂ inyaje kəy ləde, ngakɔnde kə̂ dingaw kə ngakɔnde kə̂ dɛnɛ̂n, bɔdede kə kɔndede, ngannde wase ndɔɔje ləde mbam, dâ kinga nɛ̂n gɔl dɔdɔku uta yeje kə̂ kete ddəm dâ kinga təbbə kə̂ to kə ndɔ kə ndɔ ddəm.

Marke 10:29

Jeju ilɛ̂ tə̂ nan: «Tɔkɔrɔ m-pa marəse: Dəw kə̂ inya kəy laa, inya ngakɔɛ̂nje kə̂ dingaw wase ngakɔɛ̂nje kə̂ dɛnɛ̂n, kɔɛ̂nje wase bɔɛ̂je, ngannɛ̂ wase ndɔɔje laa mbam ddəm mba Tar kə̂ Maji ddəm

Marke 8:35

Mba dəw kə̂ ndiki ta ngəm təbbə laa, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂ mbam ddəm mba Tar kə̂ Maji ddəm a kaji təbbə laa le.

Tar kə̂ Maji kə̂ Jan dda makəturu tə̂ 14:1

Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ.

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Kulaje 9:16

Əman njaa mâ tɔjɛ̂ nɛ̂n kəm-to-ndooje tɔyn kə̂ a kingɛ̂ mba rim.»

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 5:11

Ooje, jaw pitije dəwje kə̂ aw oreje wurde. Ooje tar kore-wur lə Jobbo ngaâ ə-gərəje maji kə̂ Əbbə-dəwje dda saa goe tə̂. Mba Əbbə-dəwje to nje-koo kəm-to-ndoo lə dəwje ddəm nje-dda mə-maji kə dəwje ddəm.

1 Piyɛr 3:6

Nɛ̂n-kɔju-marɛ̂ to Sara kə̂ oo ta Abaraham ngaâ bbarɛ̂ to əbbeeje. Bbo aw ddaje maji ngaâ arəje marə nɛ̂n kâra ddase bbəəl ang a, ə-ddeeje to ngannɛ̂ kə̂ dɛnɛ̂n.