1 Piyɛr 3:11 - Dɔnɔn kə̂ Siki: Tar kə̂ aw arə təbbə

¹¹ Maji karə nayn majang ta n̂-dda maji, Maji karə n̂-sangə mə-wul-lɔm ta n̂-nayn ddəwe tə̂.

1 Piyɛr 3:11 Iomraidhean Croise

Matiye 5:45

Yeenn bba â toje to ngann lə Bɔsese kə̂ isi darâ. Mba narə kar laa aw ɔsu dɔ dəwje tə̂ kə̂ majije ang ddəm dɔ dəwje tə̂ kə̂ majije ddəm. Naw narə ndi aw ərə dɔ dəwje tə̂ kə̂ toje gatə gatə ddəm dɔ dəwje tə̂ kə̂ toje gatə gatə ang ddəm.

Matiye 5:9

Maji arəse, see dəwje kə̂ aw ddaje arə mə-wul-lɔm to horo dəwje tə̂, mba Lubba a bbarse to ngannɛ̂.

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Marke 14:7

Njê-ndooje a naynje kə se nəənn kə ndɔ tɔyn. Ndɔ kə̂ məse ndiki a, â ddaje kə de maji. A əman, mâ nayn kə se kə ndɔ tɔyn ang.

Luku 1:79

mba karə njê kə̂ isije lo ndul tə̂, kə njê kə̂ isije kɔ ndil yo tə̂, kəmde uja ddəm, mba tɔjuje ddəw kə̂ ja kinga nɛ̂n mə-wul-lɔm ddəm tɔ.»

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Luku 6:9

Jeju pa arəde nan: «Mâ dujuse tar. Ddi â Ndu ləje arəje ddəw ta dda ndɔ-kuwa-rɔ tə̂ wa? Ndu arə ddəw ta dda maji wase ta dda majang wa? Ta kaji dəw wase ta dda karə dəw oy wa?»

Tar kə̂ Maji kə̂ Jan dda makəturu tə̂ 17:15

Maw duji karə ɔrude duninya tə̂ nəənn kə ddang ang. A ta karə ə-ngəmde bba karə Nje-mə-majang le dda marə nɛ̂n kə de ang.

Rɔmɛnje 12:18

Bbo ddəw to a, arəje mə-wul-lɔm to horose tə̂ kə dəwje tɔyn.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

Rɔmɛnje 7:19

Nɛ̂n kə̂ maji kə̂ m-ndiki ta dda le m-dda ang. A nɛ̂n kə̂ maji ang kə̂ m-ndiki ta dda ang le â m-dda.

Rɔmɛnje 7:21

Yeenn a, moo a, marə ndu to: Kar tɔyn kə̂ m-ndiki ta dda nɛ̂n kə̂ maji a, nɛ̂n kə̂ maji ang dɔrɔ â to nɔnʼm tə̂.

Rɔmɛnje 8:6

Dəw kə̂ kəjə laa to kə dɔ bboje tə̂ kə̂ da-rɔ tə̂ a kinga yo. A dəw kə̂ kəjə laa to kə̂ dɔ nɛ̂n tə̂ kə̂ Ndil-mə-nda ndiki a kinga təbbə kə mə-wul-lɔm.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Kolosinyɛje 3:15

Maji karə mə-wul-lɔm lə Kristə â ɔn dɔ kəjəje kə̂ məse tə̂. Mba Lubba bbarse karə ingaje mə-wul-lɔm le bba karə ə-ddeeje to da-rɔ kə̂ kâra baa. Maji karə ə-gərəje go maji kə̂ n̂-dda kə se.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Ebərəje 13:16

Maji karə məse oy ta dda maji kə naan ang ddəm ta kɔsu naan ngar ang ddəm. Mba nɛ̂n-poloje kə̂ baann â nəəl kəm Lubba tə̂.

Jakə 4:17

Yeenn a, dəw kə̂ gərə ddəw dda nɛ̂n kə̂ maji bba dda ang, dda majang.

1 Piyɛr 3:12

Mba Əbbə-dəwje aw unda kəmɛ̂ dɔ dəwje tə̂ kə̂ gatə gatə, naw tuka mbia mba koo nɛ̂n ndu-nɔn ləde. A Əbbə-dəwje aw turu gire arə njê kə̂ aw ddaje majang.»

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.