1 Piyɛr 2:8 - Dɔnɔn kə̂ Siki: Tar kə̂ aw arə təbbə

⁸ Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.

1 Piyɛr 2:8 Iomraidhean Croise

Luku 2:34

Simenyɔ bbar tar kə̂ maji dɔde tə̂ ngaâ pa arə Mari kɔn Jejuje le nan: «Oo, ddəw tə̂ lə ngonn nəənn, marə dəwje nya horo ngann Ijarayɛlje tə̂ a kosoje ngaâ marɛ̂je nya a kubbaje nangə kinje ddəm nâ to nɛ̂n kə̂ a ddee kə mayn naan tar ddəm

Rɔmɛnje 9:22

Lubba ndiki ta tɔju wungu laa ngaâ ta dda karə dəwje gərəje singa-mɔngu laa. A dəwje kə̂ asə karə n̂-dda wungu kə̂ de ngaâ asə karə dingaje yo le n̂-tɔ wure narəde nya.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

2 Kɔrɛntinyɛje 2:16

Ənga marɛ̂je, bayn yambo le to bayn yo kə̂ aw aw kə dəw karə oy. A ənga marɛ̂je to bayn təbbə kə̂ aw aw kə dəw karə inga təbbə. Nân bba a kasə ta dda kula be nəənn wa?

Galatəje 5:11

A əman, ngakɔnʼmje, m-nayn maw mila mbər kuja ganja bbay wa? A bbo maw mila mbər kuja ganja a, mba ddi bba dəwje a kulaje kəmʼm ndoo tə̂ bbay wa? Bbo mbər kuja ganja â maw mila a, tar koy lə Kristə dɔ kakə-dəsə tə̂ a to marə jiki karə dəw tuka gɔlɛ̂ tə̂ ang ngaa.

1 Tesalonisinyɛje 5:9

Mba Lubba mbərəje karə wungu laa oso dɔje tə̂ ang. N̂-mbərəje karə jinga kaji ddəw tə̂ lə Əbbəjeje Jeju-Kristə.

1 Piyɛr 2:6

Mba, Makəturu lə Lubba pa nan: «Ooje, m-mbərə ər kə̂ gatɛ̂ ngəng, mila tɔkə bbe tə̂ kə̂ Sinyɔ, to ər kə̂ to singa gɔl kəy kə̂ dungu nangə̂. Dəw kə̂ ar dɔɛ̂ tə̂ a, rɔ-kul a kɔru kəmɛ̂ ang.»

1 Piyɛr 2:7

Yeenn a, ər le to nɛ̂n-piti ləse, sese kə̂ unnje məse arəje Lubba. A ənga njê kə̂ unnje məde ang le, ər kə̂ njê-kɔsuje kəy mbətəje le ddee to singa gɔl kəy kə̂ dungu nangə̂.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.