1 Piyɛr 2:6 - Dɔnɔn kə̂ Siki: Tar kə̂ aw arə təbbə

⁶ Mba, Makəturu lə Lubba pa nan: «Ooje, m-mbərə ər kə̂ gatɛ̂ ngəng, mila tɔkə bbe tə̂ kə̂ Sinyɔ, to ər kə̂ to singa gɔl kəy kə̂ dungu nangə̂. Dəw kə̂ ar dɔɛ̂ tə̂ a, rɔ-kul a kɔru kəmɛ̂ ang.»

1 Piyɛr 2:6 Iomraidhean Croise

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Marke 12:10

Ə-turaje tar kə̂ Makəturu lə Lubba pa nəənn ang wa? Makəturu le nan: ‹Ər kə̂ njê-kɔsu kəyje mbətəje le, ddee to singa gɔl kəy kə̂ dungu nangə̂.

Luku 20:17

Jeju ɔru kəmɛ̂ aade ngaâ pa nan: «Tar kə̂ n̂-dda Makəturu tə̂ lə Lubba nəənn gəle nan ddi wa? Tar le nan: ‹Ər kə̂ njê-kɔsuje kəy mbətəje le, təl ddee to singa gɔl kəy kə̂ dungu nangə̂.› »

Luku 23:35

Dəwje arje tə̂ənn aw ooje nɛ̂njeenn le. Mbayje lə Jiipije aw kokoje Jeju nan: «Naji marə dəwje. A bbo n̂-to Kristə kə̂ Lubba mbəre a, maji karə naji da-rɔɛ̂ njaa ngaa.»

Tar kə̂ Maji kə̂ Jan dda makəturu tə̂ 7:38

Makəturu lə Lubba pa nan: Dəw kə̂ unn məɛ̂ arəm a, baje kə̂ aw arəje təbbə a kinje rɔɛ̂ tə̂ kula.»

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Rɔmɛnje 10:11

Makəturu lə Lubba pa nan: «Dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 2:20

Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.

2 Timɔte 3:16

Tar tɔyn kə̂ n̂-dda Makəturu tə̂ le in rɔ Lubba tə̂ ngaâ Makəturu le to mba tɔju dəwje tar kə̂ tɔkɔrɔ, mba karə dəw gərə majang laa, mba gɔl pa-nja lə dəw karə to kə dannâ, mba tɔju dəw ddəw kə̂ gatə gatə.

1 Piyɛr 2:4

Maji karə ə-ddeeje ngɔsi kə Əbbə-dəwje Jeju. N̂-to ər kə̂ to kəm baa kə̂ dəwje mbətəje, a Lubba mbərə ngaâ oo to nɛ̂n kə̂ ngəng nya kəmɛ̂ tə̂.

1 Piyɛr 2:8

Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.

2 Piyɛr 1:20

Maji karə ə-gərəje nɛ̂n nəənn bba: Tarje kə̂ inje ta Lubba tə̂ bba n̂-dda makəturu tə̂ le, dəw kâra a kasə kɔru gəle kə dɔɛ̂ baa ang.

2 Piyɛr 3:16

To tarje kə̂ naw pa makəturuje tə̂ tɔyn kə̂ naw dda dɔ tarje tə̂ nəənn le. Marə tarje kə̂ to kətərə ta gərə kandɛ̂ to makəturuje tə̂ laa le. A marə dəwje kə̂ gərəje nɛ̂n ang ddəm sangəje ang ddəm aw turuje kandə tarje le ngaâ aw paje dang tokə daw ddaje kə kəsə tarje kə̂ mə Makəturu tə̂ lə Lubba le. Nɛ̂nje kə̂ daw ddaje baann le, dede njaa daw bbarje yo kə dɔde tə̂.