1 Piyɛr 2:5 - Dɔnɔn kə̂ Siki: Tar kə̂ aw arə təbbə

⁵ Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Piyɛr 2:5 Iomraidhean Croise

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 3:9

Mba jeje kə Lubba jaw juman naan kula tə̂ ngaâ ə-toje tokə lə ndɔɔ lə Lubba, sese ə-toje tokə lə kəy lə Lubba.

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

2 Kɔrɛntinyɛje 6:16

Ddi bba a mbɔn kəy-polo Lubba kə kɔrje naan tə̂ wa? Mba jeje, n-to kəy-polo Lubba kə̂ nje-kisi kəm baa. Lubba le njaa pa nan: «Mâ kisi horode tə̂ ddəm mâ nja horode tə̂ ddəm. Mâ to Lubba ləde ngaâ dâ toje to dəwje ləm.»

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

1 Piyɛr 4:17

Kar gangə sariya asə ngaa. Sariya le a kunn-kute dɔ dəwje tə̂ lə Lubba. A bbo jeje â sariya le unn kute dɔje tə̂ a, njê kə̂ mbətəje Tar kə̂ Maji le, ləde a to tokə baânn wa?

Apokalisi 1:6

N̂-ddaje to dəwje kə̂ mə Bbe-kɔn tə̂ laa ddəm njê-poloje Bɔɛ̂je Lubba ddəm. Maji karə piti kə singa-mɔngu toje to laa, ndɔ kə ndɔ. Amɛnn.

Apokalisi 20:6

Maji arəde, de dəwje kə̂ dɔngɔr ndol lə dəwje kə̂ oyje, deeje horode tə̂. N̂-toje to dəwje lə Lubba njaa! Yo kə̂ gɔl joo laa ee kə singa dɔde tə̂ ang. Dâ toje to njê-poloje lə Lubba ddəm lə Kristə ddəm ngaâ dâ kɔnje saa mbay bbal doro kâra le.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 5:10

Ə-ddade to dəwje kə̂ mə Bbe-kɔn tə̂ lə Lubba ddəm njê-poloje Lubba ddəm karə n̂-ddaje kula laa. Dâ kɔn-mbay dɔ nangə tə̂.»