1 Piyɛr 2:25 - Dɔnɔn kə̂ Siki: Tar kə̂ aw arə təbbə

²⁵ Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

1 Piyɛr 2:25 Iomraidhean Croise

Matiye 18:12

Ddi â əjəje dɔ tar tə̂ nəənn wa? Bbo marə dəw kə̂ batəje laa kɔr kâra, marɛ̂ kâra nayn a, nâ kinya kəseje kə̂ dɔjikara gire jikara le dɔ ddingiri tə̂ ta təl kaw sangə ye kə̂ kâra le kingɛ̂ ang wa?

Matiye 9:36

Jeju oo dəwje kə̂ banya le a, n̂-toje to ndoo laa. Mba dəwje le, singade ɔru ddəm rɔde oy njururu ddəm tokə batəje kə̂ nje-ngəmde goto.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 5:2

Ne nje-polo Lubba le njaa kara naw nubba singa ddəw marə nɛ̂nje tə̂ ang nya. Yeenn a, nasə ta gərə nɛ̂n kə̂ aw uta singa dəwje kə̂ gərəje nɛ̂n ang ngaâ ndəəmje ddəw.

1 Piyɛr 3:20

To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.