1 Piyɛr 2:23 - Dɔnɔn kə̂ Siki: Tar kə̂ aw arə təbbə

²³ Dəwje tajɛ̂je, a nila tə̂ ang. Dula kəmɛ̂ ndoo tə̂, a n̂-pa tar dingaw ang, ninya rɔɛ̂ tɔyn mə ji Lubba tə̂ kə̂ aw gangə sariya kə̂ gatə gatə.

1 Piyɛr 2:23 Iomraidhean Croise

Luku 23:41

Sariya ləje to kə dɔgɔlɛ̂, mba to kuka nɛ̂nje kə̂ maji ang kə̂ n-dda â jinga. A ne, n̂-dda nɛ̂n kə̂ maji ang kâra ang.»

Luku 23:46

Jeju uru əkii pa nan: «Bɔy, minya ndilim mə jii tə̂.» Goe tə̂ a, noy.

Luku 23:9

N̂-duju tar Jeju nya. A Jeju ilɛ̂ tə̂ ang.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Kulaje 4:29

Bbasinɛn nəənn, Əbbəjeje, maji karə oo singa kə̂ daw dda kə je bbo arəje singa, jee bbərə-kulaje ləi, arə n-pa tar ləi kə bbəəl ang.

Kulaje 7:59

Kar tə̂ kə̂ daw tilaje Etiyɛnn kə ər le a, Etiyɛnn le duju Lubba nan: «Əbbəmje Jeju, ə-taa kəwn ləm.»

Kulaje 9:1

Kar tə̂ənn, kəjə dda singa kə kəjə tɔl njê-njaje go Əbbə-dəwje tə̂ dɔrɔ â nayn mə Sɔl tə̂ kə ndɔ tɔyn. Yeenn bba naw rɔ tɔkə nje-polo Lubba tə̂,

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

Epɛjinyɛje 6:9

See dəwje kə̂ eeje kə bbərəje, ə-ddaje tokə baann tɔ kə bbərəje le. Ə-sirijede ang. Mba ə-gərəje to, sese kə bbərəje le tɔyn, Əbbəsese ee darâ ngaâ ɔru kəm dəw ang.

2 Tesalonisinyɛje 1:5

Nɛ̂njeenn aw tɔjuje to sariya lə Lubba to gatə gatə ngaâ toje to nɛ̂nje kə̂ a ddaje karə ə-ddeeje to dəwje kə̂ asəje ta kandə mə Bbe-kɔn tə̂ lə Lubba kə̂ aw ooje ndoo mbɛɛ̂ le.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Ebərəje 12:3

Maji karə əjəje dɔ Jeju tə̂ kə̂ oo ndoo tokə baann ji njê-nɛ̂n-ddaje tə̂ kə̂ maji ang kə̂ mbəteje, a n̂-tɔ wure le. Yeenn bba rɔse a koy njururu ang ddəm â tusuje ddəwe kinyaje ang ddəm.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Piyɛr 4:19

Yeenn a, maji karə dəwje kə̂ aw ooje ndoo mba nɛ̂n kə̂ Lubba ndiki kə̂ daw ddaje le inyaje rɔde mə ji Nje-dda nɛ̂nje tə̂ tɔyn, kə̂ asə karə dəw unda məɛ̂ dɔɛ̂ tə̂ ngaâ ta n̂-ddaje nɛ̂n kə̂ maji kə ndɔ tɔyn.

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.