1 Piyɛr 2:20 - Dɔnɔn kə̂ Siki: Tar kə̂ aw arə təbbə

²⁰ Bbo dəw aw oo ndoo mba majang kə̂ n̂-dda ngaâ naw tɔ wure a, piti kə̂ baânn â nâ kinga goe tə̂ wa? A bbo ə-ddaje maji bba daw dula kəmse ndoo tə̂ a, Lubba oo nɛ̂ɛnn kəmɛ̂ tə̂ to nɛ̂n kə̂ maji.

1 Piyɛr 2:20 Iomraidhean Croise

Matiye 26:67

Yeenn ngaâ n̂-tije wənrə kəmɛ̂ tə̂, n̂-bbirije jide n̂-tundɛ̂je nɛ̂n. Marɛ̂je tundaje ka-mbɔrɛ̂

Matiye 5:47

 bbo ngakɔnse njaa bba ə-ddajede lapiya a, ddi kə̂ dang boy â ə-ddaje wa? Dəwje kə̂ gərəje Lubba ang kara aw ddaje tokə baann tɔ.

Marke 14:65

Marɛ̂je unnje kutu ti wənrə dɔɛ̂ tə̂. N̂-tɔje kəmɛ̂, n̂-bbirije jide n̂-tundɛ̂je nɛ̂n ngaâ n̂-dujeje nan: «Nân undai nəənn wa? Ə-pa arə joo.» Njê-kulaje lə tɔkə mbay tɛɛ̂je ngaâ tundaje ka-mbɔrɛ̂.

Luku 6:32

Bbo njê kə̂ ndikise dɔrɔ â ə-ndikijede tɔ a, dəwje a gərəje maji ləse tokə baânn wa? Njê-nɛ̂n-ddaje kə̂ maji ang kara aw ndikije njê kə̂ ndikijede tɔ.

1 Kɔrɛntinyɛje 4:11

Ndərəng kar tə̂ nəənn, bbo aw ddaje, kunda aw ɔnje, kubbu aw goto rɔje tə̂, dəwje aw ddajeje maji ang, jaw nja taar jəm jəm,

Galatəje 4:18

To maji ta dda bbo nɛ̂n kə̂ maji kə kar tɔyn, bbo ta dda kar tə̂ kə̂ mee nɛ̂n horose tə̂ njaa bba ang.

Epɛjinyɛje 5:10

Maji karə ə-sangəje ddəw ta gərə nɛ̂n kə̂ nəəl kəm Əbbə-dəwje tə̂.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

1 Piyɛr 2:19

Mba bbo aw ooje ndoo dɔ naji tə̂ ləse ngaâ aw tɔje wurse mba Lubba a, yeenn to nɛ̂n kə̂ maji kəm Lubba tə̂.

1 Piyɛr 3:14

Uta tɔyn bbo ooje ndoo mba nɛ̂n-dda kə̂ gatə gatə kə̂ ə-ddaje a, maji arəse. Maji karə nɛ̂n kə̂ dəwje aw bbəəlje a, ə-bbəəlje ang, arəje məse unda dɔ binya ang.

1 Piyɛr 3:17

Bbo Lubba njaa ndiki tə̂ karə dəw oo ndoo mba maji kə̂ dəw le aw dda a, yeenn maji uta ndoo kə̂ ta koo mba nɛ̂n-dda kə̂ maji ang.