1 Piyɛr 2:19 - Dɔnɔn kə̂ Siki: Tar kə̂ aw arə təbbə

¹⁹ Mba bbo aw ooje ndoo dɔ naji tə̂ ləse ngaâ aw tɔje wurse mba Lubba a, yeenn to nɛ̂n kə̂ maji kəm Lubba tə̂.

1 Piyɛr 2:19 Iomraidhean Croise

Luku 6:32

Bbo njê kə̂ ndikise dɔrɔ â ə-ndikijede tɔ a, dəwje a gərəje maji ləse tokə baânn wa? Njê-nɛ̂n-ddaje kə̂ maji ang kara aw ndikije njê kə̂ ndikijede tɔ.

Tar kə̂ Maji kə̂ Jan dda makəturu tə̂ 15:21

«Dâ ddaje nɛ̂njeenn tɔyn kə se mba rim, mba n̂-gərəje dəw kə̂ ulam ang.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Rɔmɛnje 13:5

Mba yeenn bba, to maji ta koo ta njê-kɔn-bbeje, mba tee nɛ̂n ta wungu tə̂ lə Lubba kə ddang ddəm karə kəjə ləje jɔkuje ang ddəm.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 8:1

Ngakɔnje, n-ndiki ta dda karə ə-gərəje mə-maji kə̂ Lubba dda kə Egilisije kə̂ Maseduwann.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

Ebərəje 10:2

Mba bbo Ndu asə ta dda tokə baann a, dəw a karə nɛ̂n-polo ang ngaa. Mba njê kə̂ aw poloje Lubba tokə baann le, dâ toko nɛ̂n-yərəw ləde gɔl kâra baa njaa nyɔm ngaâ kəjə tə̂ ləde dâ kooje rɔde to dəwje kə̂ ddaje majang kâra ang.

1 Piyɛr 2:20

Bbo dəw aw oo ndoo mba majang kə̂ n̂-dda ngaâ naw tɔ wure a, piti kə̂ baânn â nâ kinga goe tə̂ wa? A bbo ə-ddaje maji bba daw dula kəmse ndoo tə̂ a, Lubba oo nɛ̂ɛnn kəmɛ̂ tə̂ to nɛ̂n kə̂ maji.

1 Piyɛr 4:15

Maji karə marə dəw kâra horose tə̂ oo ndoo mba dəw kə̂ n̂-tɔlɛ̂ ang, mba bboko ang, mba nɛ̂n-dda kə̂ maji ang ang, mba kula tɛɛ̂ tar tə̂ lə dəwje ang.