1 Piyɛr 2:16 - Dɔnɔn kə̂ Siki: Tar kə̂ aw arə təbbə

¹⁶ Maji karə ə-ddaje nɛ̂n tokə dəwje kə̂ teeje kɔ bbərə tə̂ mban, a maji karə tee kə̂ ə-teeje kɔ bbərə tə̂ le təl to marə nɛ̂n kə̂ ta kɔnn nɛ̂n dɔ majang ang. Maji karə ə-ddaje nɛ̂n tokə bbərəje lə Lubba ngaa.

1 Piyɛr 2:16 Iomraidhean Croise

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Tar kə̂ Maji kə̂ Jan dda makəturu tə̂ 15:22

Bbo m-ddee ang ngaâ m-pa tar marəde ang a, tar majang a to dɔde tə̂ ang. A bbasinɛn, nɛ̂n kə̂ dâ kunn kɔru nɛ̂n naji ləde goto ngaa.

Rɔmɛnje 6:18

Lubba ɔruse ta nɛ̂n-dda tə̂ kə̂ maji ang mban ngaa arə ilaje rɔse kula nɛ̂n-dda tə̂ kə̂ gatə gatə.

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

1 Kɔrɛntinyɛje 7:22

Mba dəw kə̂ to bbərə bba Əbbə-dəwje bbarɛ̂ ddee to dəw lə Əbbə-dəwje kə̂ tee kɔ bbərə tə̂. Ddəw kâra baa, dəw kə̂ to bbərə ang bba Əbbə-dəwje bbarɛ̂ ddee to bbərə lə Kristə.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Epɛjinyɛje 6:6

Ə-ddaje kə de baann mba nəəl nɛ̂n kəmde tə̂ ang. A ə-ddaje tokə bbərəje lə Kristə kə̂ unnje rɔde tɔyn ta dda nɛ̂n nɛ̂n kə̂ mə Lubba ndiki.

Kolosinyɛje 3:24

Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.

1 Tesalonisinyɛje 2:5

Sese kara ə-gərəje kə majɛ̂, jaw pa tarje ta kərə nɛ̂n dəw ndɔ kâra ang ngaâ kəjə ləje to dɔ nɛ̂n-kinga tə̂ ndɔ kâra ang. Lubba njaa kara a kɔru naji ləje.

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

Jakə 2:12

Maji karə ə-paje tar ta ə-ddaje nɛ̂n tokə dəwje kə̂ Lubba asə gangə sariya dɔde tə̂ ddəw ndu tə̂ kə̂ aw ɔru dəw kɔ bbərə tə̂.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.