1 Piyɛr 2:15 - Dɔnɔn kə̂ Siki: Tar kə̂ aw arə təbbə

¹⁵ Mba nɛ̂n kə̂ Lubba ndiki â to karə ə-ddaje maji bba karə dəwje kə̂ dɔde goto ngaâ gərəje nɛ̂n ang, ooje tar ta pa ang.

1 Piyɛr 2:15 Iomraidhean Croise

Matiye 25:2

Njê kə̂ min toje to mbəje, a kəseje kə̂ min toje to njê-kəm-karɛje.

Matiye 7:26

A dəw kə̂ oo tarje ləm kə̂ maw pa nəənn ngaâ dda nɛ̂n kula ang, to kâra baa kə mbə kə̂ dda kəy laa dɔ ənangara tə̂.

Rɔmɛnje 1:21

Mba n̂-gərəje Lubba kə majɛ̂ njaa. A n̂-walɛ̂je ang ngaâ darɛ̂je wooyo to Lubba ang. Kəjə ləde təl to kə dɔgɔlɛ̂ ang, n̂-gərəje nɛ̂n ang ngaâ n̂-naynje lo ndul tə̂.

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

1 Tesalonisinyɛje 4:3

Nɛ̂n kə̂ Lubba ndiki â to, karə ə-sangəje rɔse mba Lubba, karə ulaje rɔse kaya tə̂ ang.

1 Tesalonisinyɛje 5:18

ngaâ mə nɛ̂nje tə̂ tɔyn, arəje wooyo Lubba, mba to nɛ̂nje kə̂ Lubba ndiki karə ə-ddaje mba mə-kâra kə̂ ə-ddaje kə Jeju-Kristə.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

Titə 2:8

Maji karə tar-pa ləi to kə ddəwe bba karə dəw asə mayn səi ang. Baann bba karə rɔ-kul dda njê-baanje ləje, mba dâ kingaje marə nɛ̂n kə̂ maji ang tɛn ta pa dɔje tə̂ ang.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 3:16

A maji karə ilaje tar tə̂ le kə ndu-gɔsu kə̂ wul pee ddəm ddəw bbəəl naan tə̂ ddəm ta arəje kəjə ləse to kə majɛ̂. Yeenn bba karə rɔ-kul dda dəwje kə̂ aw undaje tar dɔse tə̂ mba marə nɛ̂n ddəm aw nanɛn kə̂ se ddəm mba pa-nja ləse kə̂ maji ddəw tə̂ lə Kristə le.

1 Piyɛr 3:17

Bbo Lubba njaa ndiki tə̂ karə dəw oo ndoo mba maji kə̂ dəw le aw dda a, yeenn maji uta ndoo kə̂ ta koo mba nɛ̂n-dda kə̂ maji ang.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.