1 Piyɛr 1:8 - Dɔnɔn kə̂ Siki: Tar kə̂ aw arə təbbə

⁸ Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Piyɛr 1:8 Iomraidhean Croise

Matiye 10:37

«Dəw kə̂ ndiki bɔɛ̂je wase kɔɛ̂nje utam, a kasə ta ddee to dəw ləm ang. Dəw kə̂ ndiki ngonnɛ̂ kə̂ dingaw wase kə̂ dɛnɛ̂n utam, a ddee to dəw ləm ang.

Tar kə̂ Maji kə̂ Jan dda makəturu tə̂ 14:15

«Bbo ə-ndikimje a, â ddaje nɛ̂n kə turu nduje ləm.

Tar kə̂ Maji kə̂ Jan dda makəturu tə̂ 14:21

«Dəw kə̂ gərə nduje ləm ngaâ aw ngəm a, to dəw kə̂ ndikim. Dəw kə̂ ndikim a, Bɔmje a ndike. Əman kara mâ ndike ngaâ mâ tɔju rɔm karɛ̂.»

Tar kə̂ Maji kə̂ Jan dda makəturu tə̂ 14:24

Dəw kə̂ ndikim ang a, nâ dda nɛ̂n kə turu ndum ang. Tar kə̂ maw pa marəse nəənn in rɔm tə̂ ang. Tar le in rɔ Bɔ tə̂ kə̂ ulam.

Tar kə̂ Maji kə̂ Jan dda makəturu tə̂ 16:22

Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

Tar kə̂ Maji kə̂ Jan dda makəturu tə̂ 20:29

Jeju pa arɛ̂ nan: «Oo məi tə̂ mba koo kə̂ oom le wa? Maji nya arə dəwje kə̂ oomje ang ddəm, a ooje məde tə̂.»

Tar kə̂ Maji kə̂ Jan dda makəturu tə̂ 8:42

Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.

Kulaje 16:34

Naw kə Pɔl de kə Silas kəy laa naw narəde nɛ̂n-kusa ngaâ n̂-dda rɔ-nəəl kə njê-nujuje laa mba koo kə̂ noo məɛ̂ tə̂ kə Lubba le.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

2 Kɔrɛntinyɛje 12:4

Dəw le, Lubba unnɛ̂ aw nɛ̂n paradis tə̂ arə noo marə tarje kə̂ dəw a kuman ta pa pin ddəm darə ddəw dəw karə pa ang ddəm.

2 Kɔrɛntinyɛje 4:18

Nɛ̂n kə̂ kəm dəw aw oo â jaw jaa lo kə tə̂ ang. Nɛ̂n kə̂ kəm dəw oo ang â jaw jaa lo kə tə̂. Mba nɛ̂n kə kəm dəw oo, to nɛ̂n kə̂ a nday. A nɛ̂n kə̂ kəm dəw oo ang, to nɛ̂n kə̂ a to kə ndɔ kə ndɔ.

2 Kɔrɛntinyɛje 5:7

Mba mə-kunn â jaw nja ddəwe tə̂ bbo ddəw kəmje tə̂ kə̂ aw oo lo ang.

2 Kɔrɛntinyɛje 9:15

Maji karə jarəje wooyo Lubba mba narəje nɛ̂n kə̂ garɛ̂ goto!

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 3:19

Ngaâ â gərəje ndiki lə Kristə kə̂ uta nɛ̂n-gərəje tɔyn. Baann bba karə nɛ̂nje lə Lubba ddususe tɔyn.

Epɛjinyɛje 6:24

Maji karə Lubba dda mə-maji kə dəwje tɔyn kə̂ ndikije Əbbəjeje Jeju-Kristə kə ndiki kə̂ a goto ndɔ kâra ang.

Pilipinyɛje 1:25

A m-gərə maji to mâ nayn kəm baa ta kisi mbɔrse tə̂ tɔyn mba kumanse karə kula le nja kə kete ddəm mba karə ingaje rɔ-nəəl ddəw mə-kunn tə̂ le ddəm.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Pilipinyɛje 4:4

Maji karə ə-ddaje rɔ-nəəl kə ndɔ tɔyn, mba ə-toje to dəwje lə Əbbə-dəwje. M-təl m-pa bbay, ə-ddaje rɔ-nəəl.

Ebərəje 11:1

Mə-kunn, to karə dəw arə məɛ̂ oso pɔn dɔ nɛ̂nje tə̂ kə̂ naw nunda məɛ̂ dɔɛ̂ tə̂, to karə dəw tɔju to nɛ̂nje kə̂ kəmɛ̂ aw oo ang ddəm le toje tə̂ənn njaa.

Ebərəje 11:27

Ddəw mə-kunn tə̂ â Mɔyijə ɔtu Ejipitə tə̂ kə ddang a bbəəl wungu le tɔkə mbay ang. Nuwa narə ngəng tokə nɛ̂n kə̂ noo Lubba kə̂ dəw ooe ang le.

1 Piyɛr 1:6

Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

1 Piyɛr 2:7

Yeenn a, ər le to nɛ̂n-piti ləse, sese kə̂ unnje məse arəje Lubba. A ənga njê kə̂ unnje məde ang le, ər kə̂ njê-kɔsuje kəy mbətəje le ddee to singa gɔl kəy kə̂ dungu nangə̂.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.