1 Piyɛr 1:6 - Dɔnɔn kə̂ Siki: Tar kə̂ aw arə təbbə

⁶ Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

1 Piyɛr 1:6 Iomraidhean Croise

Matiye 11:28

«Ə-ddeeje rɔm tə̂, sese tɔyn kə̂ nɛ̂n-koto aw ɔɔyse arə singase ɔru, mâ karə uwaje rɔse.

Matiye 26:37

N̂-jin Piyɛr kə ngann lə Jebede kə̂ joo naw kə de. Rɔɛ̂ unn kutu nəəle ang ngaâ bbəəl uta dɔɛ̂ tɔ.

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Luku 1:47

m-dda rɔ-nəəl mba Lubba kə̂ Nje-kajim ddəm

Luku 10:20

Yeenn a, maji karə ndilje kə̂ maji ang kə̂ ulaje dɔde nangə̂ arəse le â ə-ddaje rɔ-nəəle ang. A ə-ddaje rɔ-nəəl mba rise kə̂ Lubba dda mə Makəturu tə̂ darâ.»

Luku 2:10

Anjə le pa arəde nan: «Ə-bbəəlje ang, mba m-ddee ta ndaji tar kə̂ maji kə̂ a karə rɔ-nəəl dəwje tɔyn karəse.

Tar kə̂ Maji kə̂ Jan dda makəturu tə̂ 16:22

Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 5:11

Uta yeenn bbay, jaw ddaje rɔ-nəəl nɔn Lubba tə̂ ləje ddəw tə̂ lə Əbbəjeje Jeju-Kristə, mba ne â n̂-dda narə junguje naan tə̂ kə Lubba bbasinɛn.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 9:2

Mba rɔm nəələm ang ngaâ bbəngərəm aw ti kə ndɔ tɔyn.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Pilipinyɛje 2:26

N̂-dda bbo nya ta təl kaw koose tɔyn ddəm n̂-jɔku rɔɛ̂ nya mba tar rɔ-to laa kə̂ ooje le ddəm.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Pilipinyɛje 4:4

Maji karə ə-ddaje rɔ-nəəl kə ndɔ tɔyn, mba ə-toje to dəwje lə Əbbə-dəwje. M-təl m-pa bbay, ə-ddaje rɔ-nəəl.

1 Tesalonisinyɛje 1:6

Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.

Jakə 1:9

Maji karə ngokɔnje kə̂ dəwje ooeje to nɛ̂n ang dda rɔ-nəəl, mba Lubba a kundɛ̂ lo tə̂ kə̂ bo.

Jakə 4:9

Maji karə uwaje ndoo, ə-nɔnje ta əmje rɔse. Maji karə koko ləse təl to nɔn ngaâ rɔ-nəəl ləse təl to rɔ-katə.

1 Piyɛr 3:17

Bbo Lubba njaa ndiki tə̂ karə dəw oo ndoo mba maji kə̂ dəw le aw dda a, yeenn maji uta ndoo kə̂ ta koo mba nɛ̂n-dda kə̂ maji ang.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.