1 Piyɛr 1:3 - Dɔnɔn kə̂ Siki: Tar kə̂ aw arə təbbə

³ Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə

1 Piyɛr 1:3 Iomraidhean Croise

Tar kə̂ Maji kə̂ Jan dda makəturu tə̂ 1:13

Ngaâ n̂-ddeeje to ngann lə Lubba kə̂ dujude ddəw mə-ndiki tə̂ lə Lubba, bbo ddəw kuju tə̂ lə dəwje ang ddəm ddəw mə-ndiki tə̂ lə dəwje ang ddəm.

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 4:25

Jeju le, dilɛ̂ ji dəwje tə̂ darə n̂-tɔlɛ̂je mba majang ləje ngaâ Lubba arə n̂-ndol bba karə Lubba oo nɛ̂n je to dəwje kə̂ gatə gatə.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:24

Mba Lubba ajije njaa, arə jaw jundaje məje dɔɛ̂ tə̂. A bbo dəw oo nɛ̂n kə̂ naw nunda məɛ̂ dɔɛ̂ tə̂ kə kəmɛ̂ mban a, nâ təl kunda məɛ̂ dɔɛ̂ tə̂ to kunda ang ngaa. Nân bba a kunda məɛ̂ dɔ nɛ̂n tə̂ kə̂ noo kə kəmɛ̂ mban wa?

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

1 Kɔrɛntinyɛje 15:20

A tɔkɔrɔ njaa, Kristə le ndol. Horo dəwje tə̂ kə̂ oyje, n̂-to dɔngɔr dəw kə̂ ndol ta tɔju to dəwje kə̂ oyje a ndolje tɔ.

2 Kɔrɛntinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. N̂-to Bɔ kə̂ aw oo kəm-to-ndoo lə dəwje ddəm n̂-to Lubba kə̂ aw wul mə dəwje mə nɛ̂nje tə̂ tɔyn ddəm.

Galatəje 6:16

Dəwje tɔyn kə̂ a ddaje nɛ̂nje kə ddəw kə̂ m-tɔju nəənn kə dəwje lə Lubba tɔyn, maji karə Lubba dda arə məde wul lɔm ngaâ oo kəm-to-ndoo ləde tokə dəwje laa Ijarayɛlje.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 2:4

A Lubba oo kəm-to-ndoo ləje nya, mba n̂-ndikije nya.

Epɛjinyɛje 3:20

Lubba aw dda kə je ddəw singa-mɔngu tə̂ laa kə̂ aw dda kula rɔje tə̂. Nasə dda karə jingaje nɛ̂nje uta yeje kə̂ n-dujeje wase yeje kə̂ jaw jəjəje.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

1 Piyɛr 3:15

A maji karə ə-gərəje məse tə̂ to Kristə kə̂ to Əbbəsese maji tɔyn. Dəwje kə̂ aw dujuse ta gərə nɛ̂n kə̂ aw undaje məse dɔɛ̂ tə̂ le, maji karə ə-toje ngɔsi ta kilade tar tə̂ ləde le.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.

1 Piyɛr 3:5

Baann â ləw, dɛnɛ̂nje kə̂ toje to njê-mə-kunnje ddəm undaje məde dɔ Lubba tə̂ ddəm aw ddaje nɛ̂n mandə ləde. Daw dooje ta ngawdede.

1 Jan 2:29

Bbo ə-gərəje to Kristə to gatə gatə a, maji karə ə-gərəje tɔ to, dəwje kə̂ ddaje nɛ̂n kə̂ gatə gatə toje to ngannje lə Lubba.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.

1 Jan 3:9

Dəw kə̂ Lubba uje dda majang ang ngaa, mba tar lə Lubba isi məɛ̂ tə̂ tokə kandə-ko arə nâ kasə ta dda majang ang ngaa, mba n̂-to dəw kə̂ Lubba uje.

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:18

Jeje, n-gərəje to dəwje kə̂ Lubba ujude ddaje majang ang ngaa. Jeju kə̂ Lubba uje ngəm dəwje le arə Nje-mə-majang inga ddəw ləde ang.

1 Jan 5:4

Mba dəw kə̂ Lubba uje tətə duninya nəənn kə ddɔ. A mə-kunn ləje â to nɛ̂n kə̂ ja tətə nɛ̂n duninya nəənn kə ddɔ.