1 Piyɛr 1:25 - Dɔnɔn kə̂ Siki: Tar kə̂ aw arə təbbə

²⁵ a tar lə Əbbə-dəwje to kə ndɔ kə ndɔ.» Tar le to Tar kə̂ Maji kə̂ dila mbəre darəse le.

1 Piyɛr 1:25 Iomraidhean Croise

Matiye 5:18

Tɔkɔrɔ njaa m-pa marəse, bbo dara kə nangə n̂-naynje baa bbay a, marə ngonn gɔl makəturu wase marə mbita gɔl Makəturu-Ndu a koso nangə̂ ang, ndərəng ddutu ndɔ tə̂.

Luku 16:17

To ngəng ang karə dara kə nangə ndayje. A to ngəng nya karə mbita gɔl Makəturu-Ndu kâra oso nangə̂.

Tar kə̂ Maji kə̂ Jan dda makəturu tə̂ 1:1

Kunn-kutu nɛ̂n tə̂ njaa, Tar ee tə̂ənn mban. Tar le ee mbɔr Lubba tə̂ ngaâ Tar le to Lubba.

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

Epɛjinyɛje 2:17

Kristə ddee ta kila mbər Tar kə̂ Maji kə̂ ɔju dɔ kisi kə mə-wul-lɔm karəse, sese kə̂ eeje ddəw əw kə Lubba ddəm karə dəwje kə̂ eeje saa ngɔsi ddəm.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Titə 1:3

Karɛ̂ asə a, Lubba tee kə tar laa le kə ddaka ddəw tar tə̂ kə̂ n̂-pa narəm. Lubba kə̂ Nje-kajije le inya tar le mə jim tə̂ ngaâ nunn ndu narəm ta karə mila mbər tar le.

Ebərəje 6:5

N̂-gərəje maji lə tar lə Lubba ngaâ n̂-gərəje singa-mɔnguje lə Lubba kə̂ a toje ndɔ tə̂ kə̂ nâ ddee kɔn-mbay.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

2 Piyɛr 1:19

Dɔɛ̂ tə̂ bbay, n-gərə to tarje lə njê-kilaje mbər tar to tarje kə̂ tɔkɔrɔ njaa. Yeenn a, ngəm kə̂ aw ngəmje tarje ləde le to nɛ̂n kə̂ maji. Mba tarje le toje tokə lə puru lambe kə̂ aw ndoko lo ndul tə̂ ndərəng karə lo arɛ ngaâ karə əndɛtɛrɛndɛn kə̂ ta lo-karɛ tə̂ ndoko məse tə̂.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

Apokalisi 14:6

Goe ta a, moo marə anjə dang aw ila mə dara tə̂ taar nu. Tar kə̂ Maji kə̂ to kə ndɔ kə ndɔ to ta karə n̂-pa narə dəwje kə̂ dɔ nangə tə̂: Dəwje kə̂ gəlde dang dang tɔyn, dəwje kə̂ gəl-kujude dang dang, dəwje kə̂ ndɔn-tarje ləde dang dang kə dəwje kə̂ bbeje tə̂ dang dang tɔyn.