1 Piyɛr 1:22 - Dɔnɔn kə̂ Siki: Tar kə̂ aw arə təbbə

²² Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 1:22 Iomraidhean Croise

Tar kə̂ Maji kə̂ Jan dda makəturu tə̂ 15:17

Nɛ̂n kə̂ m-dujuse, maji karə ə-ndikije naan.»

Tar kə̂ Maji kə̂ Jan dda makəturu tə̂ 15:3

Nɛ̂nje kə̂ m-tɔjuse ddaje arə ə-ddeeje maji tɔyn mban.

Tar kə̂ Maji kə̂ Jan dda makəturu tə̂ 17:17

Maji karə ə-dda arə n̂-ddeeje maji tɔyn ddəw tar tə̂ kə̂ tɔkɔrɔ: Tar ləi to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Kulaje 6:7

Tar lə Lubba nja kə kete kete ngaâ kɔr njê-njaje go Jeju tə̂ aw kə kete kete mə bbe tə̂ kə̂ Jerujalɛm. Njê-poloje Lubba tokə banya unnje məde arə Jeju.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 2:8

A njê kə̂ ddaje dɔ-kətərə saa, mbətəje tar kə̂ tɔkɔrɔ ngaâ aw ddaje bbərə lə nɛ̂n kə̂ gatə gatə ang, Lubba a karə wungu laa kə̂ to bbəəl nya oso dɔde tə̂.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

2 Kɔrɛntinyɛje 6:6

A n-ngəm rɔje, n-tɔju nɛ̂n-gərə ləje, n-tɔ wurje, n-dda maji kə dəwje, Ndil-mə-nda umanje, n-ndiki dəwje kə məje tɔyn,

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Galatəje 5:7

Dɔngɔr, aw ddaje nɛ̂n kə majɛ̂. A nân bba gangəse ddəwe tə̂ ngaâ ɔkuse ddəw karə ə-ddaje nɛ̂n ddəw tar tə̂ kə̂ tɔkɔrɔ wa?

Epɛjinyɛje 4:3

Maji karə ə-ddaje singa mba ngəm mə-kâra kə̂ Ndil-mə-nda arə ə-ddaje kə naan ddəw kisi kə naan kə mə-wul-lɔm tə̂.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

1 Tesalonisinyɛje 3:12

Maji karə Əbbə-dəwje dda arə ndiki kə̂ aw ndikije naan kə ndiki kə̂ aw ndikije nɛ̂n dəwje tɔyn aw kə kete kete, tokə ndiki kə̂ jaw ndikise le tɔ.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

1 Timɔte 1:3

Maji karə ə-nayn Epɛjə ddəw ndu tə̂ kə̂ munn mari kar tə̂ kə̂ maw nɛ̂n kə Maseduwann le. Mə bbe tə̂ kə̂ Epɛjə le, marə dəwje aw tɔjuje nɛ̂n kə dɔgɔlɛ̂ ang. Maji karə ə-gangəde ddəwe tə̂.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

2 Timɔte 1:14

Maji karə ə-ngəm nɛ̂nje kə̂ maji kə̂ Lubba inya mə jii tə̂ le ddəw singa tə̂ lə Ndil-mə-nda kə̂ isi məje tə̂.

Ebərəje 11:8

Ddəw mə-kunn tə̂ â Abaraham oo ta Lubba kə̂ bbarɛ̂ ngaâ ɔtu aw nangə tə̂ kə̂ Lubba a ta karɛ̂ to laa. Naw njaa baann, bbo n̂-gərə lo kə̂ naw naw tə̂ le ang.

Ebərəje 13:1

Maji karə ə-naynje ddəw ndiki naan tə̂ tokə ngakɔn-naan njaa.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Piyɛr 2:17

Maji karə ə-walje dəwje tɔyn, ə-ndikije ngakɔnse, ə-bbəəlje Lubba, ə-walje tɔkə mbay.

1 Piyɛr 3:1

See dɛnɛ̂nje, sese kara maji karə ooje ta ngawsese. Yeenn bba karə, bbo marɛ̂je horode tə̂ mbətəje ta koo məde tə̂ kə Lubba kara, pa-nja ləse njaa a dda karə dooje məde tə̂ bbo â paje tar lə Lubba karəde ang ngaa,

1 Piyɛr 3:20

To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.

1 Piyɛr 4:17

Kar gangə sariya asə ngaa. Sariya le a kunn-kute dɔ dəwje tə̂ lə Lubba. A bbo jeje â sariya le unn kute dɔje tə̂ a, njê kə̂ mbətəje Tar kə̂ Maji le, ləde a to tokə baânn wa?

1 Piyɛr 4:8

Dɔngɔr nɛ̂n, arəje ndiki naan ləse to kə lo-toe, mba ndiki ɔnn dɔ majangje nya.

2 Piyɛr 1:7

ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

1 Jan 3:11

Tar kə̂ ooje kunn-kute tə̂ njaa nan: Maji karə n-ndikije naan horo naan tə̂.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.

1 Jan 4:12

Dəw oo Lubba ndɔ kâra ang. Bbo n-ndikije naan horoje tə̂ a, Lubba dda kə je mə-kâra ngaâ ndiki laa to məje tə̂ kə majɛ̂.

1 Jan 4:20

Bbo marə dəw pa nan: «M-ndiki Lubba», a n̂-mbətə ngokɔɛ̂n a, n̂-to nje-ngəm. Bbo dəw mbətə ngokɔɛ̂n kə̂ naw nooe a, nâ kasə ndiki Lubba kə̂ nooe ang tokə baann wa?

1 Jan 4:7

Ngakɔnʼmje kə̂ m-ndikise, maji karə n-ndikije naan horoje tə̂, mba ndiki in rɔ Lubba tə̂. Dəw kə̂ ndiki nje-marɛ̂ to dəw kə̂ Lubba uje ngaâ n̂-gərə Lubba.

Apokalisi 2:4

«A nɛ̂n kə̂ m-mbətə səi â nəənn: Ə-ndikim tokə ye kə̂ kete ang.