1 Piyɛr 1:2 - Dɔnɔn kə̂ Siki: Tar kə̂ aw arə təbbə

² Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Piyɛr 1:2 Iomraidhean Croise

Matiye 24:22

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete le.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:31

Tɔkə təbbə-narɛ a bbar ngaâ Ngonn lə dəw a kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Marke 13:20

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete.

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Marke 13:27

Yeenn ngaâ nâ kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Kulaje 15:18

N̂-tɔju dəwje nɛ̂n kə̂ nəjə ta dda le ləw baa.›

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 11:2

Lubba turu gire arə dəwje laa kə̂ ne njaa n̂-mbərəde ləw baa le ang. Oleje məse dɔ nɔn tə̂ kə̂ Eli nɔn rɔɛ̂ mba Ijarayɛl kə̂ n̂-dda tarɛ̂ Makəturu tə̂ lə Lubba le wa? N̂-pa nan:

Rɔmɛnje 11:28

Jiipije toje to njê-baanje lə Lubba, mba n̂-mbətəje Tar kə̂ Maji. Baann bba karə Lubba dda mə-maji kə see dəwje kə̂ ə-toje to Jiipije ang. A Lubba mbərə Jiipije to dəwje laa ngaâ naw ndikide ɔju dɔ kadedeje.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

Rɔmɛnje 16:19

Tɔkɔrɔ njaa, dəwje tɔyn gərəje to aw ooje ta Əbbə-dəwje kə majɛ̂. Yeenn bba, rɔm nəələm nya mbase. A m-ndiki karə kəm-karɛ ddususe bba karə ə-ddaje nɛ̂n kə̂ maji, karə ə-ngəmje rɔse, karə aynje nɛ̂n kə̂ maji ang.

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:33

Nân bba a kunda tar dɔ dəwje tə̂ kə̂ Lubba mbərəde wa? Dəw kâra ang, mba Lubba njaa arə n̂-ddeeje gatə gatə kəmɛ̂ tə̂.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

2 Kɔrɛntinyɛje 10:5

Jaw tujuje tarje tɔyn kə̂ dəwje kə̂ ooje rɔde bo nya aw paje mba kɔku nɛ̂n ddəw dəw karə gərə Lubba. Jaw juwa kəjəje lə dəwje tɔyn bbərə tə̂ karə dooje ta Kristə.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 11:28

Ddəw mə-kunn tə̂ â Mɔyijə unda gɔl kusu Pakə nangə̂ ngaâ arə n̂-tusu məsə dɔ kakə ta-kəyje tə̂. Baann bba anjə kə̂ nje-tɔl dəwje tɔl ngann-dərəje lə ngann Ijarayɛlje ang.

Ebərəje 12:24

Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

1 Piyɛr 1:19

Məsə Kristə kə̂ ngəng nya â uka nɛ̂n dɔse. Kristə le to tokə ngonn batə kə̂ marə nɛ̂n tuju rɔɛ̂ tə̂ ang ddəm nɛ̂n-yərəw ɔrɛ̂ ang ddəm.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

2 Piyɛr 1:2

Maji karə Lubba dda kə se mə-maji nya ddəm narə məse wul lɔm nya ddəm ddəw gərə tə̂ kə̂ aw gərəje Lubba ddəm Jeju kə̂ to Əbbəjeje ddəm kə kete kete.

2 Jan 1:1

Əman tɔkə le, m-dda makəturu nəənn mari, əi kɔn-baay kə̂ Lubba bbari kə ddaka ddəm marə nganni kə̂ m-ndikide kə ndiki kə tɔkɔrɔ ddəm. Əman kə karəm baa ang. Dəwje tɔyn kə̂ gərəje tar kə̂ tɔkɔrɔ ndikise tɔ,

2 Jan 1:13

Ngann lə ngokɔin kə̂ dɛnɛ̂n kə̂ Lubba mbəre le, ddaije lapiya.

Judə 1:2

Maji karə Lubba dda kə se mə-maji, narəse mə-wul-lɔm ngaâ narəse ndiki laa nya nya.