1 Piyɛr 1:17 - Dɔnɔn kə̂ Siki: Tar kə̂ aw arə təbbə

¹⁷ Lubba aw gangə sariya dɔ dəwje tə̂ asə kəm kula-ddaje ləde, a naw nɔru kəm dəw ang. A bbo mə dujuje tə̂ kə̂ aw dujuje Lubba le aw bbarɛ̂je to Bɔ a, maji karə ə-bbəəleje kar tə̂ kə̂ ə-naynje nɛ̂n dɔ nangə tə̂ nəənn.

1 Piyɛr 1:17 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 22:16

Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Matiye 6:9

«Maji karə ə-dujuje Lubba tokə be: Əi, Bɔjeje kə̂ isi mə dara tə̂, Maji karə dəwje bbəəlje rii.

Rɔmɛnje 11:20

Dɔgɔlɛ̂ njaa. Lubba tuka barkəmde mba dooje məde tə̂ saa ang, a əi ə-nayn aw tinya kakə tə̂ le mba oo məi tə̂ kə Lubba le. Yeenn a, maji karə bbəəl â ə-bbəəl bbo unda gui ang.

2 Kɔrɛntinyɛje 1:2

Maji karə Bɔjeje Lubba ddəm Əbbəjeje Jeju-Kristə ddəm n̂-ddaje kə se mə-maji ngaâ darəje məse wul lɔm.

2 Kɔrɛntinyɛje 5:6

Yeenn a, rɔje nayn oy njururu ang bbay. A n-gərə to, kar kə̂ n-naynje mə da-rɔ tə̂ nəənn bbay le, jisi ddəw əw kə Əbbə-dəwje.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

2 Kɔrɛntinyɛje 7:11

Ooje: Nɛ̂nje kə̂ rɔ-katə kə̂ Lubba ndiki tə̂ dda rɔse tə̂ a nəənn: Ə-toje ngɔsi ngɔsi ta dda kula. Ə-toje ngɔsi ngɔsi ta duju karə dɔru tar dɔse tə̂. Bbo ooje nɛ̂n-dda kə̂ maji ang a, aw arəse wungu nya. Bbəəl aw to məse tə̂ nya. Maal təl koom aw ddase nya. Bbo dda kula to məse tə̂ nya. Aw ə-gangəje sariya dɔ dəw tə̂ kə̂ dda majang. Uta tɔyn, ə-tɔjuje to aw ngəmje rɔse ddəw nɛ̂n tə̂ənn le.

Galatəje 2:6

A ənga tɔkəje kə̂ dɔ Egilisije tə̂ kə̂ dəwje oojede to dəwje kə̂ ngəng nya le, ngəng ləde le osom tə̂ ang. Mba Lubba aw ɔru kəm dəw ang. Dede le marə nɛ̂n dang kə̂ duwamje kə singa karə m-dda goto.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 3:14

Mba yeenn bba, mungu məkəjə-gɔləm nangə̂ nɔn Bɔy Lubba tə̂.

Epɛjinyɛje 6:9

See dəwje kə̂ eeje kə bbərəje, ə-ddaje tokə baann tɔ kə bbərəje le. Ə-sirijede ang. Mba ə-gərəje to, sese kə bbərəje le tɔyn, Əbbəsese ee darâ ngaâ ɔru kəm dəw ang.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Kolosinyɛje 3:25

Mba dəw kə̂ aw dda nɛ̂n kə̂ gatə gatə ang, a kinga kuka laa asə kəm nɛ̂n-dda laa kə̂ gatə gatə ang le. Lubba a kɔru kəm dəw kâra ang.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

Ebərəje 4:1

Ndu Lubba kə̂ unn ta karə jandə lo kuwa-rɔ tə̂ kə̂ n̂-gɔl mba tar ləje le nayn baa bbay. Yeenn a, maji karə kəmje kətərə bba karə dəw kâra horose tə̂ dda tokə nɛ̂ɛnn le due to du ang.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

1 Piyɛr 3:15

A maji karə ə-gərəje məse tə̂ to Kristə kə̂ to Əbbəsese maji tɔyn. Dəwje kə̂ aw dujuse ta gərə nɛ̂n kə̂ aw undaje məse dɔɛ̂ tə̂ le, maji karə ə-toje ngɔsi ta kilade tar tə̂ ləde le.