1 Piyɛr 1:10 - Dɔnɔn kə̂ Siki: Tar kə̂ aw arə təbbə

¹⁰ Njê-kilaje mbər tar lə Lubba kə̂ ilaje mbər mə-maji kə̂ Lubba a ta dda kə se le uruje gəl kaji nəənn le nya ta gərə.

1 Piyɛr 1:10 Iomraidhean Croise

Matiye 13:17

Mba m-pa tar kə̂ tɔkɔrɔ marəse, njê-kilaje mbər tar lə Lubba nya kə dəwje kə̂ toje gatə gatə kəm Lubba tə̂ tokə banya ndikije ta koo nɛ̂n kə̂ aw ooje kə kəmse nəənn, a dooje ang, n̂-ndikije ta koo nɛ̂n kə̂ aw ooje kə mbise nəənn, a dooje ang.»

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Luku 10:24

Mba m-pa marəse, njê-kilaje mbər tar lə Lubba kə tɔkə mbayje nya ndikije ta koo nɛ̂n kə̂ aw ooje kə kəmse nəənn, a dooje ang. N̂-ndikije ta koo nɛ̂n kə̂ aw ooje kə mbise nəənn, a dooje ang.»

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Tar kə̂ Maji kə̂ Jan dda makəturu tə̂ 7:52

A kəseje ilɛ̂je tə̂ nan: «Ə-to dəw kə̂ Galile tɔ wa? Ə-sangə mə Makəturu tə̂ lə Lubba kə majɛ̂ oo a, â gərə. Marə nje-kila mbər tar lə Lubba in Galile tə̂ ddee ndɔ kâra ang.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 7:52

Marə nje-kila mbər tar lə Lubba kə̂ kaseseje ddaje saa singa ang to nân wa? Kaseseje tɔlje njê kə̂ aw ilaje mbər lə dəw kə̂ gatə gatə kete bba karə n̂-ddee. A bbasinɛn sese njaa kara ə-labbəje dəw kə̂ gatə gatə le ngaâ ə-tɔlɛ̂je.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Ebərəje 11:40

Mba Lubba gɔl marə nɛ̂n kə̂ maji nya uta bbay mbaje. Mba yeenn bba, n̂-ndiki karə jeje kə de tɔyn jinga nɛ̂njeenn le naan tə̂.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.