1 Piyɛr 1:1 - Dɔnɔn kə̂ Siki: Tar kə̂ aw arə təbbə

¹ Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.

1 Piyɛr 1:1 Iomraidhean Croise

Matiye 10:2

Ri njê-njaje go Jeju tə̂ kə̂ dɔku gire joo le nan: Dɔngɔrɛ̂ to Simɔn kə̂ daw bbarɛ̂ nan Piyɛr kə ngokɔɛ̂n Andere. Jakə ngonn lə Jebede kə ngokɔɛ̂n Jan.

Matiye 24:22

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete le.

Matiye 4:18

Jeju aw nja kar tɔkə dangə tə̂ kə̂ Galile a, noo ngakɔn-naanje joo: Simɔn kə̂ daw bbarɛ̂ nan Piyɛr de kə ngokɔɛ̂n Andere. Daw dilaje ddəngə tɔkə dangə maann tə̂ le mba n̂-toje to njê-ndɔn-maannje.

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Tar kə̂ Maji kə̂ Jan dda makəturu tə̂ 11:52

Nâ koy mbade kə karəde baa ang. Nâ koy mba mbɔn ngann lə Lubba kə̂ sarɛnje naan kâra kâra, karə n̂-ddeeje to dəwje kə̂ kâra baa.

Tar kə̂ Maji kə̂ Jan dda makəturu tə̂ 7:35

Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?

Kulaje 18:2

Ninga marə Jiipi kə̂ ria nan Akilas lo tə̂ənn. Duje nangə tə̂ kə̂ Pɔn. Akilas de kə dɛnɛ̂n laa Pirisil dinje Itali bba n̂-ddeeje, mba tɔkə mbay Kolodə unn ndu karə Jiipije tɔyn ɔtuje Rɔm kə ddang. Pɔl aw rɔ Akilas de kə Pirisil tə̂ le.

Kulaje 18:23

N̂-dda ndɔ ngaji lo tə̂ənn ngaâ nin n̂-nday nangə Galasi kə Piriji tə̂, narə ndəjə njê-njaje go Əbbə-dəwje tə̂ tɔyn karə dingaje singa.

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 6:9

Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

Kulaje 8:4

Dəwje kə̂ sanrɛje naan le aw ilaje mbər tar lə Lubba to Tar kə̂ Maji loje tə̂ kə̂ daw ndayje tə̂.

1 Kɔrɛntinyɛje 16:19

Njê-mə-kunnje kə̂ Aji ddase lapiya. Akilas de kə Pirisil kə njê-mə-kunnje kə̂ aw mbɔnje naan mə kəy tə̂ ləde n̂-ddase lapiya kə ri Əbbə-dəwje.

2 Kɔrɛntinyɛje 1:8

Ngakɔnʼmje, n-ndiki ta karə ə-gərəje tar ndoo kə̂ joo nangə tə̂ kə̂ Aji le. Dula kəmje ndoo tə̂ darə uta singaje arə jəjə to ja nayn kəm baa ang.

Galatəje 1:2

Əman kə njê-mə-kunnje tɔyn kə̂ eeje səm nəənn n-dda makəturu nəənn jarəse, sese kə̂ Egilisije tə̂ kə̂ Galasi.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Epɛjinyɛje 2:19

Yeenn a, sese kə̂ ə-toje to Jiipije ang le ə-toje to njê-mbaje ang ngaa ddəm ə-toje to dəwje kə̂ aw ndayje to nday ang ngaa ddəm. A sese kə njê-mə-kunnje ə-toje to ngann njê-bbeje kə̂ kâra baa, eeje mə nuju tə̂ lə Lubba.

2 Timɔte 1:15

Ə-gərə maji to dəwje tɔyn kə̂ Aji tusumje Inyamje. Pijɛl de kə Ɛrmojɛnn kara dinyamje tɔ.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»