1 Jan 5:6 - Dɔnɔn kə̂ Siki: Tar kə̂ aw arə təbbə

⁶ Ne Jeju-Kristə, kə̂ n̂-ddee ddəw maann tə̂ kə ddəw məsə tə̂. N̂-ddee kə maann kâra baa ang, n̂-ddee kə maann ddəm kə məsə ddəm. Tar-naji kə̂ Ndil pa dɔ nɛ̂n tə̂ənn to tar kə̂ tɔkɔrɔ, mba n̂-to Ndil tar kə̂ tɔkɔrɔ.

1 Jan 5:6 Iomraidhean Croise

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Matiye 3:16

Jeju inga batɛm ngaâ in maânn tee a, karɛ̂ tə̂ənn njaa ta dara təəyn. Noo Ndil lə Lubba kə̂ ddisi tokə lə dər ddee isi dɔɛ̂ tə̂.

Marke 14:24

Jeju pa arəde nan: «Yeenn to məsəm. To məsə kə̂ Lubba ɔsu nɛ̂n dɔnɔn, məsə kə̂ kayn nangə̂ mba dəwje tokə banya.

Luku 22:20

N̂-dda tokə baann kə maann-binyə kə̂ əngo tə̂ le tɔ. Go nɛ̂n-kusa tə̂ le a, nunn maann-binyə kə̂ əngo tə̂ le narəde ngaâ n̂-pa nan: «Maann-binyə kə̂ əngo tə̂ nəənn, to dɔnɔn kə̂ siki kə̂ Lubba ɔsu kə se ddəw məsəm tə̂ kə̂ kayn mba tar dɔse.

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 6:55

Mba taal-rɔm to nɛ̂n-kusa kə̂ tɔkɔrɔ ddəm məsəm to nɛ̂n-kay kə̂ tɔkɔrɔ ddəm.

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Titə 3:5

najije. Nɛ̂n kə̂ gatə gatə kə̂ n-ddaje bba najije mbɛɛ̂ goto. Najije mba noo kəm-to-ndoo ləje, narə n-ddeeje to dəwje kə̂ siki ddəw toko tə̂ kə̂ n̂-tokoje ddəm ddəw tə̂ lə Ndil-mə-nda ddəm.

Ebərəje 10:29

Yeenn a, dəw kə̂ oo Ngonn lə Lubba to nɛ̂n ang kəmɛ̂ tə̂ ngaâ oo məsə dɔnɔn kə̂ Lubba ɔsu karə toko nɛ̂n-yərəwje laa to nɛ̂n kə̂ baa ngaâ taji Ndil-mə-nda kə̂ aw dda saa mə-maji le, kunda laa a bo nya.

Ebərəje 12:24

Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Ebərəje 9:7

A mə kəy tə̂ kə̂ to joo laa le, tɔkə nje-polo Lubba kə karɛ̂ baa â aw andə tə̂ gɔl kâra baa njaa mə bbal tə̂ kâra. Naw nandə mə kəy tə̂ le kə məsə ta karə Lubba to nɛ̂n-polo mba majang laa ne njaa ddəm mba majang lə dəwje ddəm.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 4:10

Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.