1 Jan 5:18 - Dɔnɔn kə̂ Siki: Tar kə̂ aw arə təbbə

¹⁸ Jeje, n-gərəje to dəwje kə̂ Lubba ujude ddaje majang ang ngaa. Jeju kə̂ Lubba uje ngəm dəwje le arə Nje-mə-majang inga ddəw ləde ang.

1 Jan 5:18 Iomraidhean Croise

Matiye 5:37

A maji karə ə-paje nan: ‹Ye njaa, ye njaa› wase ‹Ye ang, ye ang›. A bbo ilaje marə tar dɔɛ̂ tə̂ a, to tar kə̂ in rɔ Nje-Mə-Majang tə̂.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Tar kə̂ Maji kə̂ Jan dda makəturu tə̂ 1:13

Ngaâ n̂-ddeeje to ngann lə Lubba kə̂ dujude ddəw mə-ndiki tə̂ lə Lubba, bbo ddəw kuju tə̂ lə dəwje ang ddəm ddəw mə-ndiki tə̂ lə dəwje ang ddəm.

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 15:4

Maji karə ə-naynje rɔm tə̂ tokə əman m-nayn rɔse tə̂ le. Bbo barkəm binyə nayn dɔ kakɛ̂ tə̂ ang a, nâ kandə kə dɔ rɔɛ̂ njaa ang. Ddəw kâra baa, bbo ə-naynje rɔm tə̂ ang a, â kasəje ta kandə ang tɔ.

Tar kə̂ Maji kə̂ Jan dda makəturu tə̂ 15:7

Bbo ə-naynje rɔm tə̂ ngaâ tarje ləm naynje məse tə̂ a, ə-dujuje nɛ̂n tɔyn kə̂ ə-ndikije a, â kingaje nɛ̂n le.

Tar kə̂ Maji kə̂ Jan dda makəturu tə̂ 15:9

M-ndikise tokə Bɔmje ndikim. Yeenn a, maji karə ə-naynje rɔm tə̂, a mâ nayn kaw ndikise.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Jan 2:29

Bbo ə-gərəje to Kristə to gatə gatə a, maji karə ə-gərəje tɔ to, dəwje kə̂ ddaje nɛ̂n kə̂ gatə gatə toje to ngannje lə Lubba.

1 Jan 3:12

Maji karə n-ddaje nɛ̂n tokə lə Kayn ang. Kayn le to dəw lə Nje-mə-majang arə nuja gɔsu ngokɔɛ̂n. Nuja gɔsɛ̂ mba ddi wa? Mba kula-ddaje laa maji ang, a kula-ddaje lə ngokɔɛ̂n to gatə gatə.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.

1 Jan 3:9

Dəw kə̂ Lubba uje dda majang ang ngaa, mba tar lə Lubba isi məɛ̂ tə̂ tokə kandə-ko arə nâ kasə ta dda majang ang ngaa, mba n̂-to dəw kə̂ Lubba uje.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:15

Bbo n-gərəje məje tə̂ to naw noo tar ləje a, nɛ̂n tɔyn kə̂ n-dujuje jia tə̂, n-gərəje to jingaje nɛ̂n le watə mban.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

1 Jan 5:21

Ngannje, aaje rɔse ddəw tə̂ lə kɔrje!

1 Jan 5:4

Mba dəw kə̂ Lubba uje tətə duninya nəənn kə ddɔ. A mə-kunn ləje â to nɛ̂n kə̂ ja tətə nɛ̂n duninya nəənn kə ddɔ.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.