1 Jan 5:13 - Dɔnɔn kə̂ Siki: Tar kə̂ aw arə təbbə

¹³ M-dda nɛ̂njeenn makəturu tə̂ marəse karə ə-gərəje to eeje kə təbbə kə̂ to kə ndɔ kə ndɔ, sese kə̂ ooje məse tə̂ kə ri Ngonn lə Lubba le.

1 Jan 5:13 Iomraidhean Croise

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Tar kə̂ Maji kə̂ Jan dda makəturu tə̂ 2:23

Jeju ee Jerujalɛm kar tə̂ kə̂ daw dda kusu Pakə. Dəwje nya ooje nɛ̂n-mɔrije kə̂ Jeju aw dda le ngaâ ooje məde tə̂ saa.

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 21:24

Nje-nja go Jeju tə̂ nəənn le njaa oo nɛ̂njeenn le kə kəmɛ̂ ngaâ dda tarɛ̂ makəturu tə̂ nəənn. N-gərə to tar-naji laa le to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 3:18

Dəw kə̂ unn məɛ̂ arə Ngonn le a, sariya to dɔɛ̂ tə̂ ang. A dəw kə̂ unn məɛ̂ arɛ̂ ang, sariya to dɔɛ̂ tə̂ mban, mba noo məɛ̂ tə̂ kə Ngonn-kâra lə Lubba ang.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Kulaje 3:16

Dingaw kə̂ ooeje ngaâ ə-gəreje kə̂ ar nəənn, mbal dɔ koo kə̂ joo məje tə̂ kə ri Jeju le â, ri Jeju le arɛ̂ singa. Ddəw mə-kunn tə̂ kə Jeju le â dda arə rɔɛ̂ ddee maji arə sese tɔyn njaa aw ooje nəənn.

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

2 Kɔrɛntinyɛje 5:1

N-gərə, da-rɔje kə̂ nangə̂ nəənn kə̂ tokə kəy-kam baa to nɛ̂n kə̂ aw tuju. A marə kəy ləje kə̂ Lubba dda darâ to. To kəy kə̂ ji dəw â dda ang ngaâ a nayn kə ndɔ kə ndɔ.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

1 Jan 1:4

N-dda nɛ̂ɛnn makəturu tə̂ jarəse, mba karə rɔ-nəəl ləje to tɔyn.

1 Jan 2:1

Ngannəm, m-pa tar nəənn makəturu tə̂ marəse mba karə ə-ddaje majang ang. A bbo marə dəw dda majang a, jee kə Nje-taa dɔ dəwje mbɔr Bɔy tə̂. Ria nan Jeju-Kristə kə̂ to gatə gatə.

1 Jan 2:21

Ə-gərəje tar kə̂ tɔkɔrɔ mban ngaâ ə-gərəje to ngəm in mə tar kə̂ tɔkɔrɔ tə̂ ang. Mba yeenn bba, m-dda makəturu nəənn marəse.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

1 Jan 2:26

M-dda makəturu nəənn marəse, mba pa nɛ̂n tar dɔ dəwje tə̂ kə̂ aw sangəje ddəw ta ddase karə ə-ndəəmje ddəw le.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.

1 Jan 4:9

Ooje ddəw kə̂ Lubba tɔju nɛ̂n ndiki laa kə ddaka horoje tə̂: Lubba ula Ngonn-kâra laa dɔ nangə tə̂ mba karə jisije kəm baa ddəw tə̂ laa.

1 Jan 5:10

Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.

1 Jan 5:11

Tar-naji le tokə be: Lubba arəje təbbə kə̂ to kə ndɔ kə ndɔ ngaâ təbbə le to rɔ Ngonnɛ̂ tə̂.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.