1 Jan 5:12 - Dɔnɔn kə̂ Siki: Tar kə̂ aw arə təbbə

¹² Dəw kə̂ ee kə Ngonn le a, ee kə təbbə. Dəw kə̂ ee kə Ngonn le ang a, ee kə təbbə ang tɔ.

1 Jan 5:12 Iomraidhean Croise

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Tar kə̂ Maji kə̂ Jan dda makəturu tə̂ 3:15

Baann bba dəwje tɔyn kə̂ ooje məde tə̂ saa a kisije kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.