1 Jan 5:10 - Dɔnɔn kə̂ Siki: Tar kə̂ aw arə təbbə

¹⁰ Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.

1 Jan 5:10 Iomraidhean Croise

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:18

Dəw kə̂ unn məɛ̂ arə Ngonn le a, sariya to dɔɛ̂ tə̂ ang. A dəw kə̂ unn məɛ̂ arɛ̂ ang, sariya to dɔɛ̂ tə̂ mban, mba noo məɛ̂ tə̂ kə Ngonn-kâra lə Lubba ang.

Tar kə̂ Maji kə̂ Jan dda makəturu tə̂ 3:33

Dəw kə̂ ndiki tə̂ kə tar-naji laa le tɔju kə ddaka to Lubba aw pa tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 5:38

Tar laa le nayn məse tə̂ ang, mba ooje məse tə̂ kə dəw kə̂ nulɛ̂ le ang.

Kulaje 8:37

Pilipi le pa nan: «Bbo oo məi tə̂ kə Jeju a, â kasə kinga batɛm.» Dingaw le ilɛ̂ tə̂ nan: «Moo məm tə̂ to Jeju to Ngonn lə Lubba.»]

Rɔmɛnje 8:16

Ndil lə Lubba le njaa pa arə ndil kə̂ to rɔje tə̂ nan n-toje to ngann lə Lubba.

Galatəje 4:1

Tar kə̂ m-ndiki ta pa â nəənn: Kar kə̂ nje-kuwa nɛ̂n-ndubba nayn ngonn bbay le, n̂-to nje-nɛ̂nje le tɔyn njaa. A n̂-to dang kə bbərə ang.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Kolosinyɛje 3:3

Mba oyje mban ngaâ təbbə ləse kə̂ tɔkɔrɔ to lo-kiyɛ̂ tə̂ kə Kristə rɔ Lubba tə̂.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

2 Piyɛr 1:19

Dɔɛ̂ tə̂ bbay, n-gərə to tarje lə njê-kilaje mbər tar to tarje kə̂ tɔkɔrɔ njaa. Yeenn a, ngəm kə̂ aw ngəmje tarje ləde le to nɛ̂n kə̂ maji. Mba tarje le toje tokə lə puru lambe kə̂ aw ndoko lo ndul tə̂ ndərəng karə lo arɛ ngaâ karə əndɛtɛrɛndɛn kə̂ ta lo-karɛ tə̂ ndoko məse tə̂.

1 Jan 1:10

Bbo n-paje nan n-ddaje majang ang a, jaw ddaje jarə Lubba təl to nje-ngəm ngaâ tar laa to məje tə̂ ang.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

Apokalisi 12:17

Wungu ɔn da le dɔ dɛnɛ̂n tə̂ le ngaâ təl kə dɔ kəsə dəwje tə̂ kə̂ toje to ngaka dɛnɛ̂n le aw dda ddɔ kə de. To dede kə̂ daw ngəmje nduje lə Lubba kə tar-najije lə Jeju.

Apokalisi 2:17

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ mann kə̂ to lo-kiyɛ̂ tə̂ ngaâ mâ karɛ̂ ər-nda kə̂ n̂-dda marə ri kə̂ siki dɔɛ̂ tə̂. To ri kə̂ dəw kâra gərə ang. Dəw kə̂ dunda ri le dɔɛ̂ tə̂ bba a gərə ri le.»

Apokalisi 2:28

Mâ karɛ̂ singa tokə bɔmje arəm le ngaâ mâ karɛ̂ əndɛtɛrɛndɛn kə̂ ta lo-karɛ tə̂.