1 Jan 4:10 - Dɔnɔn kə̂ Siki: Tar kə̂ aw arə təbbə

¹⁰ Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.

1 Jan 4:10 Iomraidhean Croise

Tar kə̂ Maji kə̂ Jan dda makəturu tə̂ 13:34

Maw munn ndu kə̂ siki marəse: Maji karə ə-ndikije naan. Əsese tɔyn ə-ndikije naan tokə əman m-ndikise.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

1 Jan 4:19

Jeje, ndiki to məje tə̂, mba Lubba ndikije dɔngɔr.

1 Jan 5:11

Tar-naji le tokə be: Lubba arəje təbbə kə̂ to kə ndɔ kə ndɔ ngaâ təbbə le to rɔ Ngonnɛ̂ tə̂.