1 Jan 4:1 - Dɔnɔn kə̂ Siki: Tar kə̂ aw arə təbbə

¹ Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

1 Jan 4:1 Iomraidhean Croise

Marke 13:21

Yeenn bba, bbo dəw pa arəse nan: ‹Ooje! Kristə le ee nəənn› wase: ‹Nee yoonn› a, ə-ndikije tə̂ saa ang.

Luku 12:57

«Mba ddi bba sese kə da-rɔse njaa ə-gərəje nɛ̂n kə̂ to gatə gatə ang wa?

Luku 21:8

Jeju ila tə̂ nan: «Aaje rɔse, arəje dəw ərəse ang, mba dəwje nya a ddeeje kə rim ngaâ dâ paje nan: ‹Əman â m-to Kristə le.› Marɛ̂je a paje nan: ‹Ndɔ nayn ngɔsi baa ngaa.› Unnje gode ang.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 20:29

M-gərə kə majɛ̂ to gom tə̂ a, dəwje kə̂ toje tokə ənjakəmnjarje kə̂ maji ang a ddeeje kandəje horose tə̂ ta ddase maji ang.

1 Kɔrɛntinyɛje 12:10

Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.

1 Kɔrɛntinyɛje 14:29

Nɛ̂n kə̂ ɔju dɔ kila mbər tar lə Lubba, maji karə dəwje joo wase mota paje tar. A kəseje isaje tar le ooje.

1 Tesalonisinyɛje 5:20

Maji karə ə-mbətəje mbər tarje lə Lubba kə̂ daw dila le ang.

1 Tesalonisinyɛje 5:21

Nɛ̂nje tɔyn njaa, maji karə ə-tənnje kə majɛ̂ ooje bba ta ə-ngəmje yeje kə̂ maji.

2 Tesalonisinyɛje 2:2

Marə dəw a kin pa karəse nan Lubba â pa tar arɛ̂ wase jeje â n-pa tar wase jeje â jula kə makəturu n-pa nan ndɔ ddee lə Əbbə-dəwje asə ngaa. Arəje kəjə ləse aw yo aw nɛ̂n ang ddəm arəje bbəəl ddase ang ddəm.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

1 Jan 2:7

Ngakɔnʼmje kə̂ m-ndikise nya, ndu kə̂ m-dda makəturu tə̂ marəse nəənn to ndu kə̂ siki ang. To ndu kə̂ darəse ləw baa. Ndu kə̂ ləw le to tar kə̂ ooje kete mban.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.

Apokalisi 2:2

M-gərə kula-ddai, ndoo kə̂ aw oo kə wuri kə̂ aw tɔ. M-gərə to â kasə ta tɔ wuri dɔ njê-mə-majangje tə̂ ang. Dəwje kə̂ aw ddaje rɔde to njê-kaw-kulaje le, ə-nande oo, a n̂-toje to njê-kaw-kulaje ang ngaâ ə-tee kə gəl ngəm ləde kə ddaka.