1 Jan 3:3 - Dɔnɔn kə̂ Siki: Tar kə̂ aw arə təbbə

³ Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.

1 Jan 3:3 Iomraidhean Croise

Matiye 5:48

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Luku 6:36

Maji karə ooje kəm-to-ndoo lə naan tokə Bɔsese oo kəm-to-ndoo ləse.»

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Rɔmɛnje 15:12

Ejayi pa tɔ nan: «Marə ngonn-ka Jese a ddee. Nâ kin ta kɔn dɔ gəl-dəwje, ngaâ nɛ̂n â dəwje le a kundaje məde dɔɛ̂ tə̂.»

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

Titə 3:7

Yeenn a, ddəw mə-maji tə̂ laa le n̂-dda narə n-ddeeje gatə gatə kəmɛ̂ tə̂ ddəm karə jingaje təbbə kə̂ to kə ndɔ kə ndɔ kə̂ junda məje dɔɛ̂ tə̂ le ddəm.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.

1 Piyɛr 1:15

Lubba kə̂ bbarse le maji tɔyn. Yeenn a, sese njaa kara, maji karə ə-majije tɔyn mə pa-nja tə̂ ləse tɔyn tɔ.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə

2 Piyɛr 1:4

Ddəw nɛ̂nje tə̂ənn le bba jingaje nɛ̂n nɛ̂nje kə̂ ngəng nya kə̂ Lubba unn ndue ta karəje le. Yeenn bba karə ddəw nɛ̂nje tə̂ənn le, ə-ddeeje tokə lə Lubba, mba aynje bbo nɛ̂nje kə̂ maji ang kə̂ dɔ nangə tə̂ nəənn kə̂ aw tuju dəwje.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.

1 Jan 4:17

Ddəw nɛ̂n tə̂ kə̂ be â ja gərəje to ndiki laa to məje tə̂ kə majɛ̂. Baann bba məje a koso pɔn ndɔ gangə sariya tə̂, mba kisi ləje dɔ nangə tə̂ to ddəw kâra baa kə ənga Jeju.