1 Jan 3:22 - Dɔnɔn kə̂ Siki: Tar kə̂ aw arə təbbə

²² Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.

1 Jan 3:22 Iomraidhean Croise

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 21:22

Bbo mə-kunn ləse to ngaâ bbo ə-dujuje Lubba a, â kingaje nɛ̂n tɔyn kə̂ ə-dujuje le.»

Marke 11:24

Mba yeenn bba, m-pa marəse: Nɛ̂n tɔyn kə̂ aw dujuje Lubba mbɛɛ̂, maji karə ooje məse tə̂ to ingaje nɛ̂n le mban, a Lubba a karəse.

Tar kə̂ Maji kə̂ Jan dda makəturu tə̂ 14:13

Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn.

Tar kə̂ Maji kə̂ Jan dda makəturu tə̂ 15:10

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Tar kə̂ Maji kə̂ Jan dda makəturu tə̂ 15:7

Bbo ə-naynje rɔm tə̂ ngaâ tarje ləm naynje məse tə̂ a, ə-dujuje nɛ̂n tɔyn kə̂ ə-ndikije a, â kingaje nɛ̂n le.

Tar kə̂ Maji kə̂ Jan dda makəturu tə̂ 6:29

Jeju ilade tə̂ nan: «Kula lə Lubba to karə ooje məse tə̂ kə dəw kə̂ nulɛ̂.»

Tar kə̂ Maji kə̂ Jan dda makəturu tə̂ 8:29

Dəw kə̂ ulam ee səm. Ninyam kə karəm baa ang, mba maw dda nɛ̂n kə̂ nəəle kə ndɔ tɔyn.»

Tar kə̂ Maji kə̂ Jan dda makəturu tə̂ 9:31

N-gərə to njê-nɛ̂n-ddaje kə̂ maji ang, Lubba aw oo ndu nɔn ləde ang njaa. A naw noo ndu nɔn lə dəw kə̂ aw oo tɛɛ̂ ngaâ aw dda nɛ̂n kə̂ məɛ̂ ndiki.

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 4:3

Ə-dujuje nɛ̂n Lubba njaa kara, ingaje ang, mba ə-dujuje nɛ̂n le kə dɔgɔlɛ̂ ang. Ə-dujuje nɛ̂n le ta tuju baa mba rɔ-nəəl ləse njaa.

Jakə 5:16

Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.

1 Jan 2:3

Bbo n-ngəmje ndu lə Lubba a, yeenn tɔju to n-gərəje Lubba.

1 Jan 5:14

Nɛ̂n kə̂ dda arə məje oso pɔn dɔɛ̂ tə̂ le â nəənn: Bbo n-dujuje marə nɛ̂n ji Lubba tə̂ ddəw mə-ndiki tə̂ laa a, nâ koo.