1 Jan 3:2 - Dɔnɔn kə̂ Siki: Tar kə̂ aw arə təbbə

² Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

1 Jan 3:2 Iomraidhean Croise

Matiye 5:8

Maji arəse, see dəwje kə̂ məse nda kayn, mba â kooje Lubba.

Luku 17:30

Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.

Luku 20:36

Dâ kasəje ta koy ang ngaa, mba n̂-toje kâra baa kə anjəje. N̂-toje to ngann lə Lubba, mba doyje, a n̂-ndolje mban.

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Tar kə̂ Maji kə̂ Jan dda makəturu tə̂ 11:52

Nâ koy mbade kə karəde baa ang. Nâ koy mba mbɔn ngann lə Lubba kə̂ sarɛnje naan kâra kâra, karə n̂-ddeeje to dəwje kə̂ kâra baa.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Rɔmɛnje 8:16

Ndil lə Lubba le njaa pa arə ndil kə̂ to rɔje tə̂ nan n-toje to ngann lə Lubba.

Rɔmɛnje 8:18

Moo a, piti kə̂ Lubba a tɔjuje kə ddaka ndɔ tə̂ kə̂ aw ddee a kuta ndoo kə̂ jaw jooje bbokənɛn nəənn.

Rɔmɛnje 8:19

Nɛ̂nje tɔyn kə̂ Lubba dda aw nginanje kar kə̂ Lubba a tɔju nɛ̂n ngannɛ̂ kə̂ ddaka.

Rɔmɛnje 8:29

Mba Lubba gərəde ngaâ undade dang tokə kete karə n̂-ddeeje tokə lə Ngonnɛ̂, mba karə Ngonnɛ̂ le təl to Ngonn-dərə horo njê-mə-kunnje tə̂ kə̂ banya.

1 Kɔrɛntinyɛje 13:12

Bbokənɛn jaw jooje nɛ̂n kəmje tə̂ ndoko ang tokə nɛ̂n kə̂ jaw joo nɛ̂n-koo-rɔ tə̂. A marə ndɔ a, ja kooje kəm kə kəm. Bbokənɛn m-gərə nɛ̂n tɔyn ang bbay. A bbo ndɔɛ̂ asə a, mâ gərə nɛ̂n tokə Lubba gərəm le.

1 Kɔrɛntinyɛje 15:49

Ddəw kâra baa tokə jundaje rɔ dəw kə̂ Lubba ddɛɛ̂ kə əbaburu nangə le, ja kundaje rɔ dəw kə̂ in darâ bba ddee le tɔ.

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

Kolosinyɛje 3:4

Kar kə̂ Kristə kə̂ to təbbə le unda lo tee a, sese kara â kundaje lo tee saa tɔ ta kinga piti laa saa.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

2 Piyɛr 1:4

Ddəw nɛ̂nje tə̂ənn le bba jingaje nɛ̂n nɛ̂nje kə̂ ngəng nya kə̂ Lubba unn ndue ta karəje le. Yeenn bba karə ddəw nɛ̂nje tə̂ənn le, ə-ddeeje tokə lə Lubba, mba aynje bbo nɛ̂nje kə̂ maji ang kə̂ dɔ nangə tə̂ nəənn kə̂ aw tuju dəwje.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

1 Jan 2:7

Ngakɔnʼmje kə̂ m-ndikise nya, ndu kə̂ m-dda makəturu tə̂ marəse nəənn to ndu kə̂ siki ang. To ndu kə̂ darəse ləw baa. Ndu kə̂ ləw le to tar kə̂ ooje kete mban.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:21

Ngakɔnʼmje kə̂ m-ndikise nya, bbo kəjə ləje unda tar dɔje tə̂ ang a, məje a koso pɔn nɔn Lubba tə̂.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

Apokalisi 2:28

Mâ karɛ̂ singa tokə bɔmje arəm le ngaâ mâ karɛ̂ əndɛtɛrɛndɛn kə̂ ta lo-karɛ tə̂.

Apokalisi 22:4

Dâ koo kəmɛ̂ ngaâ ria a to əngo-nɔnde tə̂.