1 Jan 3:16 - Dɔnɔn kə̂ Siki: Tar kə̂ aw arə təbbə

¹⁶ Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.

1 Jan 3:16 Iomraidhean Croise

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Tar kə̂ Maji kə̂ Jan dda makəturu tə̂ 10:11

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Tar kə̂ Maji kə̂ Jan dda makəturu tə̂ 10:15

tokə Bɔ gərəm ngaâ m-gərə Bɔ tɔ le. Munn təbbə ləm marə mba batəje ləm.

Tar kə̂ Maji kə̂ Jan dda makəturu tə̂ 13:34

Maw munn ndu kə̂ siki marəse: Maji karə ə-ndikije naan. Əsese tɔyn ə-ndikije naan tokə əman m-ndikise.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Rɔmɛnje 16:4

Dunnje rɔde dilaje kɔrɔ̂ bba n̂-teeje səm ta yo tə̂. Marəde wooyo kə karəm baa ang, Egilisije lə dəwje tɔyn kə̂ toje to Jiipije ang kara arəde wooyo tɔ.

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

2 Kɔrɛntinyɛje 4:12

Yeenn a, yo aw dda kula rɔje tə̂, a təbbə aw dda kula rɔse tə̂.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:25

Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 2:30

mba nayn tɛn baa a noy mba kula lə Kristə. Nila rɔɛ̂ kɔrɔ̂ mba kumanʼm kula tə̂ kə̂ sese njaa ingaje ddəw ta kumanʼm tə̂ ang.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

1 Piyɛr 1:18

Nɛ̂n-ddaje lə kaseseje kə̂ to nɛ̂nje kə̂ baa â unnje goe. A ə-gərəje kə majɛ̂ to, Lubba uka dɔse bba tee nɛ̂n kə̂ se mə nɛ̂nje tə̂ənn le kə ddang. Andə wase narɛ kə̂ toje to nɛ̂nje kə̂ aw tuju â nuka nɛ̂n dɔse le ang.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.

1 Jan 2:9

Dəw kə̂ pa nan nee lo-karɛ tə̂ ngaâ naw mbətə ngokɔɛ̂n a, n̂-nayn lo ndul tə̂ bbay.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.