1 Jan 3:12 - Dɔnɔn kə̂ Siki: Tar kə̂ aw arə təbbə

¹² Maji karə n-ddaje nɛ̂n tokə lə Kayn ang. Kayn le to dəw lə Nje-mə-majang arə nuja gɔsu ngokɔɛ̂n. Nuja gɔsɛ̂ mba ddi wa? Mba kula-ddaje laa maji ang, a kula-ddaje lə ngokɔɛ̂n to gatə gatə.

1 Jan 3:12 Iomraidhean Croise

Matiye 13:19

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Matiye 23:35

Yeenn bba karə tar məsə dəwje kə̂ gatə gatə tɔyn kə̂ ə-tɔljede dɔ nangə tə̂ nəənn le təl dɔse tə̂. Unn kute dɔ məsə Abɛl tə̂ kə̂ to dəw kə̂ gatə gatə le ndərəng dɔ Jakari tə̂ kə̂ to ngonn lə Barasi kə̂ ə-tɔlɛ̂je horo kəy-polo Lubba tə̂ kə bann le.

Matiye 27:23

Pilatə dujude nan: «Majang ddi â n̂-dda wa?» A dunnje kutu kuru əkii kə singa bbay nan: «Arə n̂-tɔlɛ̂ kakə-dəsə tə̂!»

Matiye 5:37

A maji karə ə-paje nan: ‹Ye njaa, ye njaa› wase ‹Ye ang, ye ang›. A bbo ilaje marə tar dɔɛ̂ tə̂ a, to tar kə̂ in rɔ Nje-Mə-Majang tə̂.»

Luku 11:51

A kunn-kute dɔ məsə Abɛl tə̂ ndərəng məsə Jakari tə̂ kə̂ n̂-tɔlɛ̂ horo bann tə̂ kə kəy-polo Lubba le. Tɔkɔrɔ m-pa marəse, Lubba a duju məsəde ji dəwje tə̂ kə̂ bbasinɛn nəənn.

Tar kə̂ Maji kə̂ Jan dda makəturu tə̂ 10:32

Jeju pa arəde nan: «M-dda nɛ̂nje kə̂ maji nya kə̂ inje rɔ Bɔmje tə̂ marə ooje. A horo nɛ̂nje tə̂ənn, ye kə̂ dda bba ə-ndikije ta tilam kə ər tɔləm mbɛɛ̂ wa?»

Tar kə̂ Maji kə̂ Jan dda makəturu tə̂ 8:40

A bbasinɛn, Əman kə̂ m-to dəw kə̂ m-pa tar kə̂ tɔkɔrɔ kə̂ moo ta Lubba tə̂ marəse â aw sangəje ddəw ta tɔləm. Abaraham dda yeenn ang.

Tar kə̂ Maji kə̂ Jan dda makəturu tə̂ 8:41

Sese, aw ddaje kula-dda lə bɔsese.» Dilɛ̂je tə̂ nan: «N-to ngann kayaje ang, Bɔjeje kâra baa to Lubba.»

Kulaje 7:52

Marə nje-kila mbər tar lə Lubba kə̂ kaseseje ddaje saa singa ang to nân wa? Kaseseje tɔlje njê kə̂ aw ilaje mbər lə dəw kə̂ gatə gatə kete bba karə n̂-ddee. A bbasinɛn sese njaa kara ə-labbəje dəw kə̂ gatə gatə le ngaâ ə-tɔlɛ̂je.

1 Tesalonisinyɛje 2:14

Ngakɔnje kə̂ Tesalonikə, ə-ndajije nɛ̂n-dda lə dəwje kə̂ Egilisi tə̂ kə̂ nangə tə̂ kə̂ Jude mban, dede kə̂ dooje məde tə̂ kə Jeju-Kristə le. Dede le dooje ndoo ji Jiipije tə̂, a bbasinɛn sese kara njê kə̂ ləse njaa aw ula kəmse ndoo tə̂ tokə baann tɔ.

Ebərəje 11:4

Ddəw mə-kunn tə̂ â Abɛl unn nɛ̂n nɛ̂n-polo kə̂ maji uta lə Kayn arə Lubba. Mba mə-kunn laa le â Lubba ooe nɛ̂n to dəw kə̂ gatə gatə ngaâ ndiki tə̂ kə nɛ̂n-polo laa le. Abɛl oy mban njaa, a ddəw mə-kunn tə̂ laa, n̂-nayn naw pa tar baa bbay.

Ebərəje 12:24

Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

1 Piyɛr 4:4

A bbasinɛn, dəwjeenn le oose a, dɔde ayn, mba aw aynje ngɔru nɛ̂n-kayaje kə de ang ngaa, mba yeenn bba daw tajijese.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.

Apokalisi 17:6

Moo dɛnɛ̂n le a, məsə dəwje lə Lubba kə məsə njê-tar-najije lə Jeju kə̂ nay le aw ddɛɛ̂ tokə lə koto. Koo kə̂ mooe a, məm unda dɔ binya nya.