1 Jan 3:10 - Dɔnɔn kə̂ Siki: Tar kə̂ aw arə təbbə

¹⁰ Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:10 Iomraidhean Croise

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Tar kə̂ Maji kə̂ Jan dda makəturu tə̂ 11:52

Nâ koy mbade kə karəde baa ang. Nâ koy mba mbɔn ngann lə Lubba kə̂ sarɛnje naan kâra kâra, karə n̂-ddeeje to dəwje kə̂ kâra baa.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Tar kə̂ Maji kə̂ Jan dda makəturu tə̂ 8:47

Dəw kə̂ to lə Lubba a, oo tarje lə Lubba. A sese, ooje tar lə Lubba ang, mba ə-toje to laa ang.»

Kulaje 13:10

pa arɛ̂ nan: «Əi, nje-ngəm kə nje-kula dəwje naan tə̂, ngonn lə Əsu, əi kə̂ ə-ndiki nɛ̂n kə̂ gatə gatə ang, ndɔ kə̂ dda bba â kunda ngangə turu nɛ̂nje kə̂ ndɔju kə̂ Əbbə-dəwje gɔl wa?

Rɔmɛnje 13:8

Arəje bbangə lə dəw to dɔse tə̂ ang. Maji karə ndiki kə̂ ta ndiki naan â to dɔse tə̂ to bbangə. Bbo dəw ndiki njê-marɛ̂je a, n̂-to dəw kə̂ dda nɛ̂n kə turu Ndu tɔyn mban.

Epɛjinyɛje 5:1

Ə-toje to ngannje kə̂ Lubba ndikise nya. Yeenn a, maji karə ə-ndajɛ̂je.

Kolosinyɛje 3:14

A uta tɔyn, maji karə ndiki to rɔse tə̂ tokə lə kubbu. To nɛ̂n kə̂ a tɔse naan tə̂ kuta nɛ̂n tɔyn.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Jan 2:29

Bbo ə-gərəje to Kristə to gatə gatə a, maji karə ə-gərəje tɔ to, dəwje kə̂ ddaje nɛ̂n kə̂ gatə gatə toje to ngannje lə Lubba.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

1 Jan 4:21

Ndu kə̂ Kristə arəje â nəənn: Maji karə dəw kə̂ ndiki Lubba ndiki ngokɔɛ̂n tɔ.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

1 Jan 4:8

Dəw kə̂ ndiki nje-marɛ̂ ang to dəw kə̂ nayn gərə Lubba ang bbay, mba Lubba to ndiki.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

1 Jan 5:2

Ddəw kə̂ ja gərəje nɛ̂n to n-ndikije ngann lə Lubba â nəənn: n-ndikije Lubba ngaâ n-ddaje nɛ̂n kə turu nduje laa.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.