1 Jan 2:18 - Dɔnɔn kə̂ Siki: Tar kə̂ aw arə təbbə

¹⁸ Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

1 Jan 2:18 Iomraidhean Croise

Matiye 24:11

Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:5

Mba dəwje nya a ddeeje kə rim ngaâ dâ paje nan: ‹Əman â m-to Kristə le› ngaâ dâ kərəje dəwje nya.

Marke 13:6

Dəwje nya a ddeeje kə rim ngaâ a paje nan: ‹Əman â m-to Kristə le!› Dâ kərəje dəwje nya.

Tar kə̂ Maji kə̂ Jan dda makəturu tə̂ 21:5

Jeju dujude nan: «Ngannje, uwaje kanji ang wa?» Dilɛ̂je tə̂ nan: «Juwa nɛ̂n kâra ang.»

Rɔmɛnje 13:11

Yeenn a, maji karə ə-ddaje tokə baann. Mba ə-gərəje kar kə̂ jee tə̂ nəənn kə majɛ̂. Bbasinɛn to kar kə̂ ta karə ə-ndolje, mba kar kə̂ Lubba a kaji nɛ̂n je le nayn ngɔsi baa nya kə je uta kar kə̂ jooje nɛ̂n məje tə̂.

Rɔmɛnje 13:12

Ta lo-karɛ ngaa. Yeenn a, maji karə jinyaje nɛ̂n-ddaje kə̂ dəwje aw ddaje lo ndul tə̂ ta julaje nɛ̂n-ddɔje kə̂ dəwje aw ddaje nɛ̂n ddɔ dann karâ rɔje tə̂.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.

1 Jan 2:22

Nân bba to nje-ngəm wa? Nje-ngəm to dəw kə̂ mayn nan Jeju to Kristə ang. Dəw kə̂ baann le to nje-baan lə Kristə. N̂-mbətə Bɔ ddəm Ngonn ddəm.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

1 Jan 4:3

Dəw kə̂ mayn nan Jeju unn da-rɔ dəw ang, ndil kə̂ in rɔ Lubba tə̂ ang â to məɛ̂ tə̂. Ndil kə̂ to məɛ̂ tə̂ le to ndil lə nje-baan lə Kristə kə̂ ooje tar laa nan nâ ddee le, a bbasinɛn nee dɔ nangə tə̂ ngaa.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

Judə 1:18

N̂-paje darəse nan: «Ddutu ndɔ a, â kooje dəwje kə̂ toje to njê-kokoje dəwje ngaâ aw ddaje nɛ̂n ddəw bbo kə̂ da-rɔde tə̂.»