1 Jan 2:16 - Dɔnɔn kə̂ Siki: Tar kə̂ aw arə təbbə

¹⁶ Mba, nɛ̂nje tɔyn kə̂ nangə̂ nəənn kə̂ to: Bbo kə̂ da-rɔ tə̂, kunda kəm-nda kə koo-rɔ-bo mba nɛ̂n-kinga. Nɛ̂njeenn inje dɔ nangə tə̂ bbo inje rɔ Lubba kə̂ Bɔ tə̂ ang.

1 Jan 2:16 Iomraidhean Croise

Matiye 4:8

Əsu təl aw saa dɔ ddingiri tə̂ kə̂ ndəw nya ngaâ tɔjɛ̂ bbe-kɔnje tɔyn kə̂ duninya tə̂ kə piti kə̂ to tə̂,

Matiye 5:28

A əman, m-pa marəse: Dəw kə̂ aa dɛnɛ̂n lə nje-marɛ̂ ngaâ dda bbo laa a, dəw le dda saa lo-to-majang ang məɛ̂ tə̂ mban.

Luku 4:5

Əsu aw saa dɔ ddingiri tə̂ kə̂ ndəw ngaâ njangə baa njaa tɔjɛ̂ bbe-kɔnje tɔyn kə̂ duninya tə̂.

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

1 Kɔrɛntinyɛje 10:6

Nɛ̂njeenn le ingade karə təl to nɛ̂n-kɔju-marɛ̂ horoje tə̂. Baann bba nɛ̂nje kə̂ maji ang kə̂ kajejedede ddaje ləw le ja ddaje bboe ang.

Galatəje 5:17

Mba nɛ̂nje kə̂ da-rɔ ndiki ta dda toje dang kə nɛ̂nje kə̂ Ndil-mə-nda ndiki. A nɛ̂nje kə̂ Ndil-mə-nda ndiki kara toje dang kə nɛ̂nje kə̂ da-rɔ ndiki tɔ. Daw ddaje ddɔ kə naan. Baann bba karə nɛ̂n kə̂ məse ndiki ta dda a, ə-ddaje ang.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Jakə 3:15

Kəm-karɛ kə̂ baann to kəm-karɛ kə̂ in darâ ang. To kəm-karɛ kə̂ dɔ nangə tə̂, kə̂ in da-rɔ tə̂, in rɔ Əsu tə̂.

Jakə 4:16

A aw ɔsuje rɔse ngaâ aw undaje guse. Kɔsu-rɔ kə̂ baann tɔyn to nɛ̂n kə̂ maji ang.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

2 Piyɛr 2:10

Uta tɔyn, nâ gangə sariya dɔ njê kə̂ aw ddaje nɛ̂n ddəw bboje tə̂ kə̂ da-rɔde tə̂, a ooje singa-mɔngu lə Lubba to nɛ̂n ang. Njê-nɛ̂n-tɔjuje kə̂ tɔkɔrɔ ang nəənn le əjəje to dasəje ta dda nɛ̂n tɔyn ngaâ daw dundaje gude nya nya. Ndilje kə̂ darâ kə̂ aw ingaje piti njaa kara n̂-bbəəlje ta tajide ang.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,