1 Jan 2:11 - Dɔnɔn kə̂ Siki: Tar kə̂ aw arə təbbə

¹¹ Dəw kə̂ mbətə ngokɔɛ̂n nayn lo ndul tə̂ bbay. Naw nja lo ndul tə̂ ngaâ n̂-gərə lo kə̂ naw naw tə̂ ang, mba lo ndul ɔku kəmɛ̂.

1 Jan 2:11 Iomraidhean Croise

Tar kə̂ Maji kə̂ Jan dda makəturu tə̂ 12:35

Jeju ilade tə̂ nan: «Lo-karɛ nayn horose tə̂ mba gɔju kar bbay. Maji karə ə-njaje kar tə̂ kə̂ lo-karɛ le nayn horose tə̂ bbay, yeenn bba lo ndul a tee dɔse tə̂ busu ang. Mba dəw kə̂ aw nja lo ndul tə̂ gərə lo kə̂ aw aw kə tə̂ ang.

Tar kə̂ Maji kə̂ Jan dda makəturu tə̂ 12:40

«Lubba dda arə kəmde oo lo ang. N̂-dda narə məde kətərə, bba karə dooje lo ang, karə n̂-gərəje nɛ̂n ang, bba karə n̂-turu ddəw ləde ang, ngaâ, karə Lubba ajide rɔ-to tə̂ ləde ang.»

2 Kɔrɛntinyɛje 3:14

A ddəw nɛ̂n-gərə ləde utu ngaa. Ndərəng bbokənɛn nəənn, bbo daw turaje makəturu Dɔnɔn kə̂ Ləw le a, tokə nɛ̂n kə̂ ta-kubbu le nayn kə lo-toe bbay, tokə kɔru ang. Mba dəw kə̂ unn məɛ̂ arə Kristə bba ta-kubbu le a kɔru kəmɛ̂ tə̂.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

2 Piyɛr 1:9

A dəw kə̂ nɛ̂njeenn le goto məɛ̂ tə̂ to tokə lə nje-kəm-tɔ kə̂ aw mam lo to mam. Məɛ̂ oy dɔ toko kə̂ Lubba toko majangje laa kə̂ ləw le.

1 Jan 1:6

Bbo n-pa nan jaw ddaje mə-kâra kə Lubba, bba n-təlje jaw njaje lo ndul tə̂ a, jaw jərəje ngəm ngaâ n-ddaje nɛ̂n kə̂ tɔkɔrɔ ang.

1 Jan 2:10

Dəw kə̂ ndiki ngokɔɛ̂n to nje-nja lo-karɛ tə̂. Nɛ̂n kə̂ a dda karə dəw oso mə majang tə̂ to rɔɛ̂ tə̂ ang.

1 Jan 2:9

Dəw kə̂ pa nan nee lo-karɛ tə̂ ngaâ naw mbətə ngokɔɛ̂n a, n̂-nayn lo ndul tə̂ bbay.

1 Jan 3:15

Dəw kə̂ mbətə ngokɔɛ̂n to nje-tɔl dəw, a ə-gərəje to nje-tɔl dəw ee kə təbbə kə̂ to kə ndɔ kə ndɔ ang.

1 Jan 4:20

Bbo marə dəw pa nan: «M-ndiki Lubba», a n̂-mbətə ngokɔɛ̂n a, n̂-to nje-ngəm. Bbo dəw mbətə ngokɔɛ̂n kə̂ naw nooe a, nâ kasə ndiki Lubba kə̂ nooe ang tokə baann wa?

Apokalisi 3:17

Ə-pa nan: ‹M-to nje-nɛ̂n-kinga, minga nɛ̂n nya, marə nɛ̂n kâra dum ang.› A ə-gərə ang. Ə-to ndoo ddəm marə nɛ̂n kâra to jii tə̂ ang ddəm. Ə-to nje-ndoo ddəm nje-kəm-tɔ ddəm ngaâ kubbu goto rɔi tə̂.