1 Jan 1:4 - Dɔnɔn kə̂ Siki: Tar kə̂ aw arə təbbə

⁴ N-dda nɛ̂ɛnn makəturu tə̂ jarəse, mba karə rɔ-nəəl ləje to tɔyn.

1 Jan 1:4 Iomraidhean Croise

Tar kə̂ Maji kə̂ Jan dda makəturu tə̂ 15:11

«M-pa tar nəənn marəse karə rɔ-nəəl kə̂ minga le ingaje tɔ ngaâ ta karə rɔ-nəəl ləse asə loe.

Tar kə̂ Maji kə̂ Jan dda makəturu tə̂ 16:24

Ndərəng bbokənɛn nəənn, ə-dujuje marə nɛ̂n kâra kə rim ang bbay. Ə-dujuje nɛ̂n a, â kingaje bba karə rɔ-nəəl ləse asə loe.

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

Epɛjinyɛje 3:19

Ngaâ â gərəje ndiki lə Kristə kə̂ uta nɛ̂n-gərəje tɔyn. Baann bba karə nɛ̂nje lə Lubba ddususe tɔyn.

1 Jan 2:1

Ngannəm, m-pa tar nəənn makəturu tə̂ marəse mba karə ə-ddaje majang ang. A bbo marə dəw dda majang a, jee kə Nje-taa dɔ dəwje mbɔr Bɔy tə̂. Ria nan Jeju-Kristə kə̂ to gatə gatə.

2 Jan 1:12

Tarje toje nya ta dda makəturu tə̂ karəse. A m-ndiki ta dda makəturu tə̂ kə jim ang. Mba munda məm ta kaw rɔse tə̂ kə da-rɔm, ta pa tarje le karəse kə tam njaa, bba karə rɔ-nəəl ləje to tɔyn.