1 Jan 1:3 - Dɔnɔn kə̂ Siki: Tar kə̂ aw arə təbbə

³ Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 1:3 Iomraidhean Croise

Tar kə̂ Maji kə̂ Jan dda makəturu tə̂ 17:11

Mee duninya tə̂ ang ngaa, a dede deeje duninya tə̂ nəənn. Əman maw kə rɔi tə̂. Bɔ kə̂ maji tɔyn, maji karə ə-ngəmde ddəw singa tə̂ ləi, singa kə̂ arəm le karə n̂-toje kâra baa tokə əman je səi n-to kâra baa.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 17:25

Bɔ kə̂ gatə gatə, dəwje kə̂ duninya tə̂ gərije ang. A əman m-gəri ngaâ njê-njaje gom tə̂ nəənn gərəje to əi â ulam.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 19:35

Dəw kə̂ oo nɛ̂nje nəənn le kə kəmɛ̂ â aw ɔru gəle nəənn. N̂-gərə to tar kə̂ tɔkɔrɔ â naw pa. N̂-pa baann karə sese kara ooje məse tə̂.

Kulaje 13:32

Jeje kara, jila mbər Tar kə̂ Maji nəənn jarəse tɔ. Nɛ̂n kə̂ Lubba unn ndue mbɛɛ̂ arə kajejedede le,

Kulaje 13:41

‹Ooje! See njê-yabbəje dəwje, arəje bbəəl ddase ta ə-gotoje kə ddang, mba mâ dda marə nɛ̂n ndɔ tə̂ kə̂ isije nɛ̂n kəm baa, bbo dəw ɔru gəl nɛ̂n le arəse a, â ndikije tə̂ ang.› »

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Kulaje 20:27

Mba miyase marə nɛ̂n ang, m-tɔjuse nɛ̂n tɔyn kə̂ Lubba gɔl ta dda.

Kulaje 4:20

Ddəw kə̂ jeje nəənn ja kutu nɛ̂n taje dɔ nɛ̂n tə̂ kə̂ joo kə kəmje ddəm kə mbije ddəm goto.»

Rɔmɛnje 15:27

Dede njaa n̂-ndikije ta kumande, mba to nɛ̂n kə̂ to tar ləde ta dda. Mba bbo dede le kə̂ n̂-toje to Jiipije ang le dingaje nɛ̂nje lə Lubba kə̂ maji naan tə̂ kâra baa kə Jiipije a, to maji karə dede kara n-kaynje nɛ̂n-kingaje ləde dumanje nɛ̂n Jiipije le tɔ.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

1 Kɔrɛntinyɛje 15:1

Ngakɔnʼmje, m-ndiki ta kole məse dɔ Tar tə̂ kə̂ Maji kə̂ mila mbəre marəse ngaâ ə-taaje, aw uwaje arə ngəng le.

Epɛjinyɛje 3:6

Nɛ̂n kə̂ to lo-kiyɛ̂ tə̂ le tokə be: Ddəw Tar tə̂ kə̂ Maji, Lubba gɔl dəwje kə̂ toje to Jiipije ang karə ingaje nɛ̂nje kə̂ n̂-gɔl mba Jiipije naan tə̂ kə de. N̂-ddeeje to da-rɔ kə̂ kâra baa ngaâ nɛ̂n kə̂ Lubba unn ndue ta karə ddəw tə̂ lə Jeju-Kristə to mbade tɔ.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

Pilipinyɛje 2:1

Mə-kâra kə̂ ə-ddaje kə Kristə le dda arə ingaje singa, ndiki kə̂ n̂-ndikise le dda arə rɔse ndɔɔ, ə-ddaje mə-kâra kə Ndil-mə-nda, ə-ndikije naan ddəm ə-ddaje mə-maji kə̂ naan ddəm.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

1 Timɔte 6:2

Bbərəje kə̂ əbbədede toje to njê-mə-kunnje, maji karə n̂-dabbəjede ang, a maji karə n̂-ddaje kula darəde kə majɛ̂ uta bbay, mba əbbədede le toje to njê-mə-kunnje kə̂ Lubba ndikide nya. Nɛ̂ɛnn â maji karə ə-tɔju dəwje ngaâ unn ndu mbɛɛ̂.

Ebərəje 2:12

Mba Jeju pa arə Lubba nan: «Mâ kila mbər tar ləi karə ngakɔnʼmje. Mâ kɔsu pa ta pitii nɛ̂n horo dəwje tə̂ kə̂ mbɔnje naan.»

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

2 Piyɛr 1:16

Kar tə̂ kə̂ n-tɔjuse tar ddee kə̂ Əbbəjeje Jeju-Kristə a ddee kə singa-mɔngu le, jar dɔ tarje tə̂ kə̂ kura kura kə̂ dəwje əjəje kə dɔde baa bba n-tɔju nɛ̂n se ang. Joo tɔkə-mbangə laa kə kəmje njaa.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.

1 Jan 1:5

Tar kə̂ joo tɛɛ̂ tə̂ bba n-ndiki ta pa karəse tokə be: Lubba to lo-karɛ, lo ndul ngaji to rɔɛ̂ tə̂ ang.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.