1 Timɔte 6:4 - Dɔnɔn kə̂ Siki: Tar kə̂ aw arə təbbə

⁴ n̂-to dəw kə̂ oo rɔɛ̂ bo ngaâ gərə nɛ̂n kâra ang. N̂-to dəw kə̂ rɔ-to mayn tar to rɔɛ̂ tə̂ ngaâ n̂-to dəw kə̂ aw kɔl mba marə kandə tarje. Nɛ̂nje kə̂ baann aw ddee kə kunda-mə kə naan, mayn-tar, nɛ̂n-taji, koo naan kə kəm kə̂ maji ang,

Maketuru le Lubba ke tar kabba

⁴ n̂-to dew ke oo rɔe bo ngaa gere ne kara ang, n̂-to dew ke rɔ-to mayn tar ee rɔe te ngaa n̂-to dew ke aw kɔl wɔju dɔ mare tarje. Neje ke baann aw ddee ke kunda-me ke naa, mayn tar, ne-taji, koo naa ke kem ke maji ang,

1 Timɔte 6:4 Iomraidhean Croise

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 18:15

A tar le to mayn naan tar dɔ nɛ̂n-tɔju tə̂, tar rije kə Ndu ləse njaa. Yeenn oose sese njaa. M-ndiki ta to nje-gangə sariya tarje kə̂ baann ang.»

Kulaje 8:9

Marə dəw kə̂ ria nan Simɔn isi mə bbe tə̂ənn ləw baa. N̂-to nje-əmbili ngaâ naw dda nɛ̂nje kə̂ aw dum dɔ dəwje tɔyn kə̂ nangə tə̂ kə̂ Samari. N̂-dda rɔɛ̂ to dəw kə̂ ngəng nya.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Rɔmɛnje 14:1

Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

Rɔmɛnje 2:8

A njê kə̂ ddaje dɔ-kətərə saa, mbətəje tar kə̂ tɔkɔrɔ ngaâ aw ddaje bbərə lə nɛ̂n kə̂ gatə gatə ang, Lubba a karə wungu laa kə̂ to bbəəl nya oso dɔde tə̂.

1 Kɔrɛntinyɛje 11:16

Bbo marə dəw ndiki mayn tar dɔ tar tə̂ nəənn bbay a, jeje kə Egilisije lə Lubba tɔyn joo marə ddəw kə̂ dang kə̂ jaw dda nɛ̂n lo mbɔn-naan tə̂ ang.

1 Kɔrɛntinyɛje 11:18

Dɔngɔr nɛ̂n â nəənn: Moo nan bbo aw mbɔnje naan a, tin-naan to horose tə̂. Moo a, to tar ngəm tɔyn ang.

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

2 Kɔrɛntinyɛje 11:20

Aw ə-tɔje wurse arəje daw ddase to bbərəje, daw taaje nɛ̂nje ləse baa, daw bbokose, daw doose to dəwje ang ngaâ daw tundaje kəmse!

Galatəje 5:15

A bbo aw tɔnje naan ngaâ aw tiirje naan a, aaje kə majɛ̂ nan â tujuje naan.

Galatəje 5:26

Maji karə boro uta dɔje ang, n-ngaan naan ang, jundaje mə kə naan ang.

Galatəje 6:3

Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

Pilipinyɛje 1:15

Tɔkɔrɔ njaa, marə dəwje aw ilaje mbər tar lə Kristə mba mə â aw ddade ddəm n̂-ndikije ta ngaan tam ddəm, a marɛ̂je aw ilaje mbər tar le kə kəjə kə̂ maji.

Pilipinyɛje 2:14

Nɛ̂n tɔyn njaa kə̂ aw ddaje a, maji karə ə-ddaje ddəw kəm-rɔ tə̂ ang ddəm ddəw mayn-tar tə̂ ang ddəm.

Pilipinyɛje 2:3

Ə-ddaje nɛ̂n to nɛ̂n-dda kuta nɛ̂n naan ang ddəm to nɛ̂n-kɔsu rɔ ang ddəm. A maji karə ooje rɔse ngaji ta ooje njê-marəseje to dəwje kə̂ utajese.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

2 Tesalonisinyɛje 2:4

Ne le, nâ kin ta mbətə nɛ̂nje tɔyn kə̂ dəwje aw poloje kə nɛ̂n tɔyn kə̂ daw bbar nan lubba. Nâ kaw ndərəng kaw kisi mə Kəy-polo Lubba tə̂ ngaâ nâ dda rɔɛ̂ to Lubba njaa.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

1 Timɔte 1:7

N̂-ddaje rɔde to njê-gərəje-Ndu lə Lubba kə̂ arə Mɔyijə, a n̂-gərəje gəl tar kə̂ daw paje le ang. Tar kə̂ darje dɔɛ̂ tə̂ le kara n̂-gərəje kandɛ̂ ang ddəm.

1 Timɔte 3:6

Maji karə dəw kə̂ dɔ Egilisi tə̂ to dəw kə̂ unn məɛ̂ arə Jeju goe əw bba. Baann ang a, nâ koo rɔɛ̂ bo nya ngaâ Lubba a gangə sariya dɔɛ̂ tə̂ tokə n̂-gangə sariya dɔ Əsu tə̂ le.

2 Timɔte 2:14

Maji karə ole mə dəwje dɔ nɛ̂nje tə̂ənn tɔyn. Ə-dujude kəm Lubba tə̂ karə n̂-mbətəje ta kɔl naan dɔ marə kandə tarje tə̂. Kɔl dda marə nɛ̂n kâra arə dəw ang, kɔl aw tuju dəwje kə̂ aw tukaje mbide aw ooje.

2 Timɔte 2:23

A ə-mbətə mayn-tar kə̂ baa kə mayn-tar mbə. Ə-gərə to mayn-tar kə̂ baann aw uju kɔl.

2 Timɔte 3:4

Dâ toje to njê-kunnje dɔ dəwje, dâ toje njê-wunguje, koo-rɔ-bo a dda karə dooje lo ang, rɔ-nəəl kə̂ nangə̂ nəənn â dâ ndikije bbo dâ ndikije Lubba ang.

Titə 3:9

A ə-mbətə kuru gəl nɛ̂nje kə̂ baa baa, Gəl-kuju dəwje kə mayn naan tarje kə̂ baa kə koo-ta-naan ang ɔju dɔ ndu: To nɛ̂nje kə̂ dda maji kə dəw ang ddəm to nɛ̂nje kə̂ baa ddəm.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.

Apokalisi 3:17

Ə-pa nan: ‹M-to nje-nɛ̂n-kinga, minga nɛ̂n nya, marə nɛ̂n kâra dum ang.› A ə-gərə ang. Ə-to ndoo ddəm marə nɛ̂n kâra to jii tə̂ ang ddəm. Ə-to nje-ndoo ddəm nje-kəm-tɔ ddəm ngaâ kubbu goto rɔi tə̂.