1 Timɔte 6:20 - Dɔnɔn kə̂ Siki: Tar kə̂ aw arə təbbə

²⁰ Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

Maketuru le Lubba ke tar kabba

²⁰ Timote, aa lo ke kula te ke Lubba ari ta kare e-dda. E-mbete bulaje ke baa baa ke aw tila kem tar le Lubba. Nejeenn le inje ddew ne-gere te ke dewje ooje to ne-gere ke tɔkɔrɔ.

1 Timɔte 6:20 Iomraidhean Croise

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 17:21

Njê-bbeje kə̂ Atɛnn tɔyn kə njê-mbaje ndikije nya ta pa tar nɛ̂n kə̂ siki wase ta koo nɛ̂n kə̂ siki kə̂ tee bbe tə̂.

Rɔmɛnje 1:22

Dooje rɔde to njê-kəm-karɛje, a kə̂ tɔkɔrɔ, n̂-toje to njê-wooyje.

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

1 Kɔrɛntinyɛje 2:6

Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

1 Kɔrɛntinyɛje 3:19

Mba kəm-karɛ kə̂ duninya tə̂ nəənn to nɛ̂n-mbə kəm Lubba tə̂. Mba Makəturu lə Lubba pa nan: «Njê-kəm-karɛje aw osoje mə ji Lubba tə̂ ddəw tar ngəm tə̂ ləde njaa.»

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

2 Tesalonisinyɛje 1:4

Nɛ̂ɛnn le dda arə jaw junda guje mbase, mba wurse kə̂ aw tɔje kə mə-kunn ləse kə̂ aw uwaje arəje ngəng mə nɛ̂n kəm-to-ndooje tə̂ kə mə nɛ̂n-singaje tə̂ kə̂ aw ingase le.

2 Tesalonisinyɛje 2:15

Yeenn bba, ngakɔnje, maji karə uwaje arəje ngəng, ə-ngəmje nɛ̂nje kə̂ n-tɔjuse kə taje wase ddəw makəturu tə̂.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 1:2

M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

1 Timɔte 1:6

Marə dəwje kə̂ inyaje ddəw nɛ̂njeenn le ndəəmje ddəw ngaâ aw undaje bula baa.

1 Timɔte 1:9

N-gərə to dəw kə̂ gatə gatə â Ndu to mbɛɛ̂ ang. Ndu to mba njê-kaalje-ta, njê-dɔ-ngəngje kə njê kə̂ mbətəje Lubba, njê-nɛ̂n-ddaje kə̂ maji ang kə njê kə̂ bbəəlje Lubba ang ddəm bbəəlje nɛ̂n lə Lubba ang ddəm njê-tɔlje bɔdede wase kɔndede kə njê-tɔlje ngamarədeje,

1 Timɔte 4:7

Maji karə ə-mbətə əsu ngəmje kə̂ dəwje aw ɔruje kə̂ toje dang kə nɛ̂n-tɔju lə njê-mə-kunnje. Ə-sangə ddəw ta kunn rɔi karə Lubba.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

1 Timɔte 6:14

Maji karə ə-ngəm ndu le arə nɛ̂n-yərəw ɔri ang. Arə tar to dɔi tə̂ ang ndərəng ndɔ təl lə Əbbəjeje Jeju-Kristə.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

2 Timɔte 2:16

Ayn kunda bulaje kə̂ baa kə̂ aw tila kəm tar mə-kunn, mba dəwje kə̂ aw undaje bula baa baa le aw awje ddəw əw kə Lubba jann jann.

Titə 1:14

Ə-ndangəde arə daaje lo kə tar ngəmje tə̂ kə̂ ləw kə̂ Jiipije aw turaje ang ddəm daaje lo kə nduje tə̂ lə dəwje kə̂ turuje giride arə tar kə̂ tɔkɔrɔ le ang ddəm.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Titə 1:9

Maji karə n̂-nayn ddəw tar kə̂ tɔkɔrɔ tə̂ tokə ye kə̂ n̂-tɔjɛ̂ le njaa. Yeenn bba nâ kasə dda karə dəwje ubbaje singa ddəw nɛ̂n-tɔju tə̂ kə̂ maji tɔyn ngaâ dəwje kə̂ aw mbətəje nɛ̂n-tɔju laa, nâ kasə ta tɔjude nɛ̂n kə̂ ulade naan tə̂ le.

Titə 3:9

A ə-mbətə kuru gəl nɛ̂nje kə̂ baa baa, Gəl-kuju dəwje kə mayn naan tarje kə̂ baa kə koo-ta-naan ang ɔju dɔ ndu: To nɛ̂nje kə̂ dda maji kə dəw ang ddəm to nɛ̂nje kə̂ baa ddəm.

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.